[វីដេអូ] Ep.20 ប្រធានបទ៖ វិធីសាស្ត្រជំនួយការគេង

ការគេងមានសារ:សំខាន់ណាស់ដែលចាំបាច់សម្រាប់មនុស្សគ្រប់ៗគ្នា។ នៅពេលដែលគេងលក់ស្កប់ស្កាល់ធ្វើឲ្យយើងមានថាមពលពេញបរិបូរណ៍ទាំងផ្លូវកាយនិងផ្លូវចិត្តពេលគ្រោកពីគេង។ ចំពោះការគេងមិនលក់គឺកើតឡើងជាចម្បងដែលតម្រូវឲ្យបុគ្គលដែលមានបញ្ហានេះមកជួបពិគ្រោះជាមួយគ្រូពេទ្យ។

កញ្ញា 4, 2023 04:31 1026

 
Share
[វីដេអូ] Ep.20 ប្រធានបទ៖ វិធីសាស្ត្រជំនួយការគេង

មូលហេតុជាច្រើនដែលបណ្តាលឲ្យមានវិបត្តិគេងមិនលក់មាន​ ៥ចំណុចសំខាន់ៗដូចជា ៖

  1. ស្ត្រេស
  2. អនាម័យនៃការគេងមិនបានត្រឹមត្រូវ
  3. ទម្លាប់មិនល្អមុនពេកចូលគេង
  4. ជំងឺផ្លូវចិត្ត
  5. ជំងឺផ្លូវកាយ ។

សូមជម្រាបថា ការគេងមិនលក់អាចកើតឡើងស្ទើរតែគ្រប់វ័យ តែភាគច្រើនកើតឡើងទៅលើមនុស្សពេញវ័យ ជាពិសេសគឺទៅលើមនុស្សចាស់ចាប់ពីអាយុ ៥០ឆ្នាំឡើងទៅនឹងជួបប្រទះនឹងការគេងមិនលក់ច្រើន។ ដោយសារតែគុណភាពនិងបរិមាណនៃការគេងធ្លាក់ចុះ។

ការគេងមិនលក់ស្តែងចេញនូវរោគសញ្ញាដូចជា៖

  • ពិបាកក្នុងការចូលគេងត្រូវសំងំយូរ
  • ឧស្សាហ៍ភ្ញាក់ញឹកញាប់នៅពេលយប់
  • ភ្ញាក់ពីគេងនៅពេលព្រឹកព្រលឹមពេក
  • ក្រោកពីគេងមានអារម្មណ៍ល្វើយ
  • ឆាប់ខឹង
  • ភ្លេចច្រើន
  • អារម្មណ៍មិនមូល
  • មានបញ្ហាផ្លូវចិត្ត ។

វិធីសាស្ត្រធ្វើឲ្យការគេងស្កប់ស្កល់និងឆាប់រហ័សមានដូចជា៖

  • រៀបកាលវិភាគគេងឲ្យបានត្រឹមត្រូវ
  • បរិភោគអាហារកុំឲ្យឆ្អែតពេក
  • ហាត់ប្រាណ ៦ម៉ោងមុនចូលគេង
  • រៀបចំបន្ទប់ឲ្យមានផាសុខភាពល្អមានខ្យល់ចេញចូល
  • កុំប្រើទូរស័ព្ទច្រើនពេក ឬឧបករណ៍បច្ចេកវិទ្យា

គួររម្លឹកថា ប្រសិនបើមានជំងឺផ្លូវកាយនិងផ្លូវចិត្ត សូមទៅពិគ្រោះព្យាបាលជាមួយគ្រពេទ្យជំនាញឲ្យបានច្បាស់លាស់ចៀសវាងការទិញថ្នាំប្រើប្រាស់ដោយគ្មានវេជ្ជបញ្ជា៕

 

សូមទស្សនាវីដេអូ ៖

 

ពាក្យទាក់ទង: