នាទីសុខភាព Ep.155 ប្រធានបទ៖អាហារទាំង ៥ដែលអ្នកមិនគួរបរិភោគឆៅ

១. ដំឡូងបារាំង

ដំឡូងបារំាងគឺជាអាហារដែលសំបូរទៅដោយជីវជាតិ ប៉ុន្តែអ្នកគួរតែព្យាយាមជៀសវាងការបរិភោគឆៅ។ការញ៉ាំដំឡូងឆៅអាចបណ្តាលឱ្យហើមពោះ និងប៉ះពាល់ដល់ក្រពះពោះវៀន ពីព្រោះដំឡូងបារាំងមានផ្ទុកម្ស៉ៅដែលធន់នឹងការរំលាយអាហារ។ អាក្រក់ជាងនេះទៅទៀត ប្រសិនបើដំឡូងឆៅទុកយូរនៅកន្លែងក្តៅ ឬសើម វាអាចប្រែជាពណ៌បៃតង និងបង្កើតជាតិពុលដែលហៅថា solanine ។ ប្រសិនបើ​ដំឡូង​មាន​ចំណុច​ពណ៌​បៃតង អ្នក​គួរតែ​ចៀសវាង​ការ​ញ៉ាំ ព្រោះ​សារធាតុ solanine អាច​បង្ក​ជា​រោគសញ្ញា​ដូច​ការពុល​អាហារ​។

 

២. ដំឡូងមី

ដំឡូងមីសំបូរទៅដោយវីតាមីន និងសារធាតុរ៉ែ។ ប៉ុន្តែដំឡូងមីក៏មាន​សារធាតុ​ផ្សំ​ដែល​អាច​បង្ក​គ្រោះថ្នាក់​ដល់​ជីវិត។ ស្លឹក និងឫសរបស់ដំឡូងមីឆៅមានផ្ទុកសារធាតុ cyanogenic glycosides (សាយយានណូចែននិច ឡាយកូសាយ) ដែលជាសារធាតុគីមីដែលបញ្ចេញសារធាតុ cyanide (សាយអឹណាយ) នៅពេលបរិភោគ។ ដំឡូងមីអាចបរិភោគបាន ប៉ុន្តែត្រូវប្រាកដថាអ្នកលាងឱ្យស្អាត ហើយចម្អិនឲ្យឆ្អិនមុនពេលទទួលទាន។

 

៣. គ្រាប់សណ្តែក

គ្រាប់សណ្តែកគឺ​ជា​អាហារ​សុខភាព ​មួយ​ទៀត​ដែល​អាច​បង្ក​គ្រោះថ្នាក់​ប្រសិន​បើ​ញ៉ាំ​ខុស​វិធី។ សណ្តែកក្រហមសម្បូរទៅដោយប្រូតេអ៊ីន ជាតិសរសៃ និងសារធាតុប្រឆាំងអុកស៊ីតកម្ម ប៉ុន្តែការទទួលទានឆៅអាចបំផ្លាញក្រពះរបស់អ្នក។ គ្រាប់សណ្តែកមិនទាន់ចម្អិនមានផ្ទុកជាតិពុល ដែលអាចបណ្តាលឱ្យមិនស្រួលក្នុងក្រពះពោះ

វៀន និងរោគសញ្ញាស្រដៀងនឹងការពុលអាហារ។ អ្នកត្រូវប្រាកដថាចម្អិនគ្រាប់សណ្តែកយ៉ាងហោចណាស់ដប់នាទីមុនពេលញ៉ាំ។

 

៤. សាច់

សាច់គោឆៅ ឬមិនទាន់ឆ្អិនមានដូចជា សាច់ជ្រូក សាច់មាន់ មានគ្រោះថ្នាក់ខ្លាំងក្នុងការបរិភោគ។ សាច់បក្សីឆៅភាគច្រើនមានផ្ទុកសារធាតុ Campylobacter (ខេមផូលូបាទើ)។ វាក៏អាចមានផ្ទុកបាតេរីសាមុននីឡា, និងបាក់តេរីផ្សេងទៀតផងដែរ។ ដើម្បីសុវត្ថិភាពល្អ អ្នកគួរចម្អិនម្ហូបអាហារនិងសាច់ឲ្យបានឆ្អឹនល្អនៅសីតុណ្ហភាពដែលសមស្រប ។

៥. Hot Dog
|Hot Dog មិនមែនជាអាហារដែលមានជីវជាតិនោះទេ ប៉ុន្តែការញ៉ាំវាឆៅអាចមានគ្រោះថ្នាក់ខ្លាំង។ ការញុំា Hot Dog ច្រើនមិនល្អសំរាប់សុខភាពនោះទេ ពីព្រោះវាមានកាឡូរី និងជាតិខ្លាញ់ខ្ពស់ដែលប៉ះពាល់ទៅដល់អ្នកជំងឺទឹកនោមផ្អែមប្រភេទទី 2 ជំងឺសរសៃឈាមបេះដូង និងជំងឺមហារីក។