អត្ថប្រយោជន៍៣សំខាន់ៗបានមកពីការទទួលទានត្រីសាលម៉ុន

ត្រីសាលម៉ុនជាច្រើនប្រភេទដែលត្រូវបានរកឃើញនៅមហាសមុទ្រអាត្លង់ទិកខាងជើង និងមហាសមុទ្រប៉ាស៊ីហ្វិកត្រូវបានគេបរិភោគនៅជុំវិញពិភពលោក។ នេះបើយោងតាមមជ្ឈមណ្ឌលចំណេះដឹង MNT ដែលជាផ្នែកមួយនៃការប្រមូលផ្តុំអត្ថបទស្តីពីអត្ថប្រយោជន៍សុខភាពនៃរបបអាហារពេញដ៏និយម។ 

ការសិក្សាជាច្រើនបានលើកឡើងថាការបង្កើនការទទួលទានខ្លាញ់ត្រី ដូចជា​ ត្រីសាលម៉ុន ក៏អាចជួយកាត់បន្ថយ ការធាត់ ជំងឺទឹកនោមផ្អែម និងជំងឺបេះដូងផងដែរ។

ម៉្យាងវិញទៀត ការទទួលទានត្រីសាលម៉ុនក៏អាចជួយដល់ការរក្សាកម្រិតកូឡេស្តេរ៉ុល ដែលធ្វើឲ្យមានសុខភាពល្អផងដែរ។

ដូច្នេះ យើងសូមលើកយកអត្ថប្រយោជន៍របស់ត្រីសាម៉ុនដូចខាងក្រោម:

1.សុខភាពបេះដូង

ការសិក្សាថ្មីមួយស្តីពីការផ្សារភ្ជាប់គ្នារវាងអាស៊ីតខ្លាញ់អូមេហ្គា ៣ និងជំងឺសរសៃឈាមបេះដូង (CVD) បានបង្ហាញថា ការទទួលទានអាស៊ីតខ្លាញ់​ទាំងនេះធ្វើឲ្យសរសៃឈាមក្នុងរាងកាយល្អប្រសើរជាងមុន។

ការទទួលទានខ្លាញ់ត្រីពីរដងក្នុងមួយសប្តាហ៍ ដូចជាត្រីសាលម៉ុនដែលសម្បូរទៅដោយអូមេហ្គា ៣ គឺជាអាហារបំប៉នសុខភាពដ៏ល្អសម្រាប់សុខភាពបេះដូងបន្ថែមពីនេះការទទួលទានត្រីដុត ឬត្រីឆ្អិន នឹងជួយកាត់បន្ថយ​ជំងឺបេះដូងនិងជំងឺខ្សោយបេះដូងផងដែរ។

2.ជំងឺក្រពេញទីរ៉ូអ៊ីត

    ​    សេលេញ៉ូមគឺជាសារធាតុរ៉ែ ដែលចាំបាច់សម្រាប់មុខងារក្រទីរ៉ូអ៊ីត ​​និងសុខភាពឆ្អឹង ដែលធ្វើឲ្យមានសុខភាពល្អ។​ដូចនេះត្រីសាលម៉ុនគឺជាប្រភពដ៏ល្អនៃសេលេញ៉ូម។

​​​​​         

3.ផ្លូវចិត្ត

ការទទួលទានត្រីសាលម៉ុនផ្តល់អត្ថប្រយោជន៍ដល់ខួរក្បាល និងដំណើរការនៃការចងចាំ។ 

​       លើសពីនេះទៅទៀតការទទួលទានត្រីសាលម៉ុនអាចជួយកាត់បន្ថយហានិភ័យនៃជំងឺដែលប៉ះពាល់ផ្សេងៗដូចជាការជំងឺធ្លាក់ទឹកចិត្តជាដើម។

      ត្រីសាលម៉ុនក៏អាចបង្កើនកម្រិតអ័រម៉ូនរីករាយ serotonin នៃខួរក្បាល​​​ដែលប្រយុទ្ធប្រឆាំងនឹងភាពស្ត្រេស។

រឿងដែលគួរឲ្យភ្ញាក់ផ្អើលមួយទៀតនោះគឺថា តាមរយៈការសិក្សាមួយដែលធ្វើឡើងនៅចក្រភពអង់គ្លេសបានបង្ហាញថា កុមារកើតពីស្ត្រីដែលបរិភោគត្រីសាលម៉ុនយ៉ាងតិច ៣៤០ ក្រាមក្នុងមួយសប្តាហ៍អំឡុងពេលមានផ្ទៃពោះមាន IQs ខ្ពស់ និងមានទំនាក់ទំនងសង្គមល្អប្រសើរ៕

 ប្រភព៖ medicalnewstoday ប្រែ​សម្រួល៖ ជា បញ្ញា