[វីដេអូ] នាទីសុខភាព Ep.151 ប្រធានបទ៖ សញ្ញាទាំង ៥ របស់ជំងឺមហារីក

១. ស្រក​ទម្ងន់

ដោយសារកោសិកាមហារីកវាយលុកអ្នកដែលមានសុខភាពមិនល្អរាងកាយរបស់អ្នកអាចនឹងប្រឈមការសម្រកទម្ងន់។ ការស្រកទម្ងន់អាចប៉ះពាល់ដល់ដំណើរការនៃការព្យាបាលជំងឺមហារីក ពីព្រោះរាងកាយអាចនឹងមិនមានថាមពល ប្រូតេអ៊ីន និងសារធាតុចិញ្ចឹមផ្សេងទៀតដែលរាងកាយយើងត្រូវការចាំបាច់ដើម្បីឆ្លើយតបនឹងការព្យាបាល។ ​

​

២. គ្រុនក្តៅ

គ្រុនក្តៅ គឺជាការឆ្លើយតបរបស់រាងកាយចំពោះការឆ្លងមេរោគឬជំងឺផ្សេងៗ។គ្រុនក្តៅកម្រជារោគសញ្ញាដំបូងនៃជំងឺមហារីកណាស់ ប៉ុន្តែវាអាចកើតឡើងប្រសិនបើអ្នកមានជំងឺមហារីកឈាម ឬជំងឺមហារីកកូនកណ្តុរ។

៣. ក្អកជាប់រហូត

ការ​ក្អក​​ជា​ញឹក​ញាប់ ខ្លះអាចជាសញ្ញានៃការជំងឺផ្តាសាយ អាល្លែកហ្ស៊ី ហើយខ្លះទៀតក៍ជាសញ្ញាគួរឲ្យកត់សំគាល់ផងដែរ ប្រសិនបើអ្នកជំងឺក្អកចេញឈាមដែលជារោគសញ្ញានៃជំងឺមហារីកក្រពេញទីរ៉ូអ៊ីត។

៤. ការផ្លាស់ប្តូរស្បែក

ការផ្លាស់ប្តូរ​ស្បែក​ច្រើនតែ​ទាក់ទង​នឹង​ជំងឺមហារីក​ស្បែក ដែលធ្វើឲ្យស្បែកស្រអាប់ ព័ណ៌ក្រហម ​ប្រជ្រុយ ឬ ឫស​ ។ ការផ្លាស់ប្តូរស្បែកមួយចំនួនក៏អាចបង្ហាញពីទម្រង់នៃជំងឺមហារីកផ្សេងទៀត ដុំពកនៅក្រោមស្បែកអាចជាដុំសាច់ ដូចជាជំងឺមហារីកសុដន់ជាដើម។ បន្ថែមពីនេះ ការ​ប្រែប្រួល​ស្បែក​ដោយសារ​ជំងឺ​មហារីក​ស្បែក​ធ្វើឲ្យមាន​ដំបៅ​ដែល​មិន​បាត់ ឬ​ដំបៅ​ដែល​ជា​សះស្បើយហើយ​និង​វិលត្រលប់​មក​វិញ​ដែរ។

៥. ការផ្លាស់ប្តូរការរំលាយអាហារ

មហារីកមួយចំនួនអាចបណ្តាលឱ្យមានបញ្ហាជាមួយនឹងការញ៉ាំ ដូចជាពិបាកលេប ការផ្លាស់ប្តូរចំណង់អាហារឬការឈឺចាប់បន្ទាប់ពីការញ៉ាំ។ ទោះជាយ៉ាងណាក៏ដោយ ជំងឺមហារីកអាចបណ្តាលឱ្យមានរោគសញ្ញាដូចជា រំលាយអាហារ ចង្អោរ ក្អួត និងហើមពោះ។ បញ្ហាក្នុងការលេបអាចទាក់ទងនឹងជំងឺមហារីកផ្សេងៗ ក៏ដូចជាមហារីកបំពង់អាហារ និងមហារីកក្រពះពោះវៀន។ មហារីក​អូវែ​ក៏​អាច​ទាក់ទង​នឹង​ការ​ហើមពោះ ឬ​មានអារម្មណ៍​ឆ្អែត​ដែល​មិន​បាត់​ទៅ​វិញ​។

សូមទស្សនាវីដេអូ ៖