[វីដេអូ] # Ep.92 អត្ថប្រយោជន៍ទាំង ៥យ៉ាងនៃការហែលទឹក

ការហែលទឹកគឺជាវិធីសាស្រ្តដ៏ល្អមួយដើម្បីឲ្យដំណើរការរាងកាយទាំងមូល និងប្រព័ន្ធសរសៃឈាមបេះដូងរបស់អ្នកដំណើរការបានស្រួល។ បន្ថែមពីនេះការហែលទឹកមួយម៉ោងដុតបំផ្លាញកាឡូរីស្ទើរតែដូចការរត់ ដោយមិនប៉ះពាល់ដល់ឆ្អឹង និងសន្លាក់របស់អ្នកឡើយ។ ដូចនេះយើងសូមចែករំលែកនូវអត្ថប្រយោជន៍ជាច្រើននៃការហែលទឹកមានដូចជា

ឧសភា 11, 2022 04:10 1399

[វីដេអូ] # Ep.92 អត្ថប្រយោជន៍ទាំង ៥យ៉ាងនៃការហែលទឹក

១ ជួយដល់រាងកាយ
អត្ថប្រយោជន៍ដ៏ធំបំផុតមួយនៃការហែលទឹកគឺថាវាពិតជាមានប្រសិទ្ធភាពលើរាងកាយទាំងមូលរបស់អ្នក ពីក្បាលដល់ចុងជើង។ ម្យ៉ាងទៀតការហែលទឹកជួយបង្កើនអត្រាចង្វាក់បេះដូងរបស់អ្នកដោយមិនធ្វើឱ្យរាងកាយរបស់អ្នកតានតឹងសាច់ដុំ បង្កើតកម្លាំង ជួយកាត់បន្ថយសម្ពាធឈាម គ្រប់គ្រងជាតិស្ករក្នុងឈាម កាត់បន្ថយហានិភ័យនៃការស្លាប់និងជួយឲ្យស្មារតីរឹងមាំ។

២ កាត់បន្ថយការឈឺចាប់
ការហែលទឹកអាចជួយកាត់បន្ថយសន្លាក់ ការឈឺចាប់សាច់ដុំផ្សេងៗ ពិការភាព កាត់បន្ថយការឈឺចាប់ខ្លះរបស់អ្នក ឬធ្វើអោយប្រសើរឡើងនូវការជាសះស្បើយពីរបួស។
៣ ល្អសម្រាប់អ្នកជំងឺហឺត
ការហែលទឹកគឺជាសកម្មភាពហាត់ប្រាណដ៏ល្អមួយសម្រាប់អ្នកដែលមានជំងឺហឺត។មិនត្រឹមតែប៉ុណ្ណឹងទេ លំហាត់ប្រាណដកដង្ហើមដែលទាក់ទងនឹងកីឡា ដូចជាការសង្កត់ដង្ហើម អាចជួយពង្រីកសមត្ថភាពសួតរបស់អ្នក និងទទួលបានការគ្រប់គ្រងលើការដកដង្ហើមបានផងដែរ។
៤ ធ្វើអោយដំណេករបស់អ្នកប្រសើរឡើង
ការហែលទឹក ជួយឱ្យអ្នកគេងលក់ស្រួលនៅពេលយប់។ នៅក្នុងការសិក្សាប្រភពដែលជឿទុកចិត្តលើមនុស្សវ័យចំណាស់ដែលមានការគេងមិនលក់ នៅពេលហែលជួយឲ្យរាងកាយស្រួលខ្លួន និងធ្វើឲ្យដំណេកគេងបានស្រួល។

៥ ជួយគ្រប់គ្រងភាពតានតឹង
បន្ទាប់ពីហែលទឹករួច អាចធ្វើឲ្យមនុស្សមានការថយចុះភាពតានតឹងផ្លូវចិត្តបានយ៉ាងឆាប់រហ័ស។ ជាពិសសេសចំពោះស្រ្តីដែលមានផ្ទៃពោះ ក្នុងកំឡុងពេលមានផ្ទៃពោះដំបូងដល់ពាក់កណ្តាលមានផ្ទៃពោះ គឺមានហានិភ័យទាបនៃការសម្រាលកូនមិនគ្រប់ខែ និងពិការភាពពីកំណើត។