[វីដេអូ] ផលអាក្រក់ ៦យ៉ាងនៃការអង្គុយយូរ

បើយោងតាមគេហទំព័រ soha បានចុះផ្សាយថា អ្នកដែលមានទម្លាប់អង្គុយលើសពី ៨ម៉ោងក្នុងមួយថ្ងៃមានផលប៉ះពាល់អាក្រក់ ៦ចំណុចដូចខាងក្រោម៖

ខ្នង និងស្មា
មនុស្សជាច្រើនមានអារម្មណ៍ឈឺចុករោយតាមឆ្អឹងខ្នង និងស្មា បន្ទាប់ពីការរអង្គុយយូរពេក។ តាមការស្រាវជ្រាវបានរកឃើញថា ការអង្គុយយូរធ្វើអោយឆ្អឹងខ្នង និងស្មាត្រូវទទួលរងនូវសម្ពាធ ដែលនាំឲ្យរហែកសន្លាក់ ហើយអាចប៉ះពាល់ដល់សរសៃឆ្អឹងខ្នងថែមទៀត។លើសពីនេះ ការអង្គុយនៅមុខកុំព្យូទ័រយូរ អាចដាក់សម្ពាធខ្លាំងទៅលើតំបន់ក ស្មា ស្រវាំងភ្នែក និងធ្វើឲ្យអ្នកមានអារម្មណ៍តានតឹងច្រើន។

ជើង និងត្រគាក
វេជ្ជបណ្ឌិត Clare Morrison បាននិយាយថា ការអង្គុយយូរពេកអាចបណ្តោលឲ្យឈឺសាច់ដុំជើង និងត្រគាក។ប្រសិនបើសកម្មភាពបែបនេះនៅតែបន្តយូរ អ្នកនឹងជួបបញ្ហាត្រគាកក្នុងពេលដ៏ខ្លីខាងមុខ។រឿងមួយទៀតដែលអ្នកត្រូវចាំ គឺការអង្គុយយូរបណ្តោលឲ្យចរន្តឈាមខ្សោយដែលបណ្តោលឲ្យកជើងឡើងហើម។

បេះដូង និងប្រព័ន្ធសរសៃឈាមបេះដូង
មនុស្សយើងរស់បានដោយសារតែបេះដូង និងប្រព័ន្ធសរសៃឈាមបេះដូងដំណើរការបានល្អ។ក៏ប៉ុន្តែលោកវេជ្ជបណ្ឌិត Chris Allenបាននិយាយថា ទម្លាប់អង្គុយយូរពេកអាចបង្កើនហានិភ័យនៃជំងឺបេះដូង។

បើយោងតាមការសិក្សាពីឆ្នាំ ២០១០បានបង្ហាញថា ជំងឺសរសៃឈាមបេះដូង មានការកើនឡើង ១២៥% ដោយសារតែការអង្គុយយូរពេកដែលបង្កើនហានិភ័យនៃការស្លាប់ដល់ទៅ ៤៦%។លើសពីនេះទៅទៀតការស្រាវជ្រាវពីសាកលវិទ្យាល័យ Chester នៅឆ្នាំ ២០១៣ បានរកឃើញថា ការអង្គុយយូរមានការកើនឡើងកាឡូរី ២១% ក្នុងមួយនាទី។

សួត
នៅពេលអ្នកអង្គុយយូរពេញមួយថ្ងៃ បរិមាណអុកស៊ីសែនចូលទៅក្នុងខ្លួនរបស់អ្នកត្រូវបានកាត់បន្ថយ។នេះដោយសារតែការអង្គុយធ្វើឲ្យសួតមិនអាចដកដង្ហើមបានស្រួល និងការទទួលយកអុកស៊ីសែនមានកំណត់។
ការអង្គុយយូរ អាចរារាំងដល់បរិមាណឈាម និងអុកស៊ីសែនដែលធ្វើដំណើរទៅកាន់ខួរក្បាល ហើយកម្រិតអ័រម៉ូន endocrine ក៏កាត់បន្ថយដែលជាហេតុធ្វើឲ្យមុខងារនៃខួរក្បាលថយចុះ។

 លំពែង
ជំងឺទឹកនោមផ្អែម ក៏ជាកត្តាទូទៅដែលជាប់ទាក់ទងទៅនឹងការអង្គុយយូរដែរ។ការសិក្សាមួយនៅក្នុងឆ្នាំ ២០១១ បានបង្ហាញថា ការថយចុះនៃអាំងស៊ុយលីនបណ្តោលមកពីការអង្គុយយូរពេក។នេះមានន័យថា លំពែងត្រូវបានផលិតអាំងស៊ុយលីនបន្ថែម ដើម្បីបំពេញជាតិគ្លុយកូសនៅក្នុងខ្លួនដែលនាំឲ្យកើនឡើងហានិភ័យនៃជំងឺទឹកនោមផ្អែម។

ប្រព័ន្ធរំលាយអាហារ
នៅពេលអ្នកអង្គុយចុះ សាច់ដុំពោះនឹងត្រូវរងនូវសម្ពាធដែលនាំឲ្យមានការកាត់បន្ថយដល់ដំណើការរំលាយអាហារ។កត្តាមួយនេះហើយ ដែលធ្វើឲ្យអ្នកជួបបញ្ហាហើមពោះ ក្រហាយទ្រូង និងទល់លាមក។លើសពីនេះទៅទៀត នៅពេលដែលអ្នកអង្គុយយូរ មុខងារនៃពោះវៀននឹងចុះខ្សោយ។ភាពមិនសូវសកម្មនេះហើយ ដែលជាមូលហេតុដែលធ្វើឲ្យអ្នកមានជំងឺក្រពះពោះវៀន។

ដូច្នេះដើម្បីកាត់បន្ថយផលប៉ះពាល់ដោយសារតែការអង្គុយយូរពេក អ្នកត្រូវមានទម្លាប់ធ្វើខ្លួនឲ្យសកម្មដោយឧស្សាហ៍ក្រោកដើររៀងរាល់ ១៥ ទៅ ២០នាទីម្តង និងធ្វើការហាត់ប្រាណជាប្រចាំថ្ងៃអោយបានទៀងទាត់៕

សូមទស្សនាវីដេអូខាងក្រោម៖

ប្រភព: betterhealth, soha ដោយ៖ ជា បញ្ញា