[វីដេអូ] Ep.24 ប្រធានបទ ៖ ជំងឺធ្លាក់ទឹកចិត្តចំពោះស្រ្ដីក្រោយពេលសម្រាលកូន

កត្តាប្រឈមដែលបណ្តាលឲ្យស្ត្រីមានជំងឺបាក់ទឹកចិត្តក្រោយពេលសម្រាលកូនមានដូចជា៖

• ស្ត្រីដែលមានវិបត្តិផ្លូវចិត្តក្នុងអំឡុងពេលទម្ងន់
• ស្ត្រីធ្លាប់មានប្រវត្តិផ្លូវចិត្តពីមុនមក
• ស្ត្រីដែលខ្វះការថែទាំឬភាពកក់ក្តៅពីស្វាមីឬគ្រួសារ
• ស្ត្រីធ្លាប់ឆ្លងកាត់វិបត្តិអំពើហិង្សាក្នុងគ្រួសារ
• ស្ត្រីធ្លាប់ឆ្លងកាត់នូវជីវិតដ៏លំបាក ។

រោគសញ្ញាដើម្បីសម្គាល់ថាស្ត្រីមានផ្ទៃពោះកំពុងមានជំងឺធ្លាក់ទឹកចិត្តមានដូចជា៖

• មានអារម្មណ៍ចង់យំ ឬសុខៗយំតែម្តង
• មានអារម្មណ៍ថាខ្លួនឯងមិនបានការ
• មានអារម្មណ៍ថាខ្លួនឯងចំណាយពេលវេលាឥតប្រយោជន៍
• ថប់អារម្មណ៍
• ពេលយប់គេងមិនលក់ ប៉ុន្តែងងុយគេងពេលថ្ងៃ
• មិនទុកចិត្តអ្នកណាម្នាក់នៅជុំវិញខ្លួន
• មិនមានការផ្ចង់អារម្មណ៍។ល។

ប្រសិនបើរោគសញ្ញាបែបនេះមិនអាចជាដោយខ្លួនឯងក្នុងរយៈពេល ១៥ថ្ងៃនោះទេអាចចាប់ទុកថាអ្នកម្តាយមានជំងឺធ្លាក់ទឹកចិត្តក្រោយពេលសម្រាលហើយ។ ដូច្នេះស្រ្តីនិងក្រុមគ្រួសារគួរតែទៅជួបប្រឹក្សាជាមួយវេជ្ជបណ្ឌិតដើម្បីពិគ្រោះយោបល់អំពីបញ្ហាផ្សេងៗ។

ការធ្វើរោគវិនិច្ឆ័យ៖

• ស្ត្រីគួរលើកទឹកចិត្តខ្លួនឯងព្រោះមិនមែនមានតែខ្លូនឯងម្នាក់ទេដែលកើតនូវជំងឺនេះ
• ត្រូវគិតថាវាជាច្បាប់ធម្មជាតិដែលកើតឡើងដោយសារប្រែប្រួលអ័រម៉ូន
• ត្រូវចេះសម្រួលអារម្មណ៍ក្នុងការមើលថែទាំកូនឲ្យបានល្អ
• កុំខឹង កុំអន់ចិត្តនឹងខ្លួនឯង ព្រោះមិនមែនជាកំហុសរបស់យើងឡើយ
• គេងឲ្យបានគ្រប់គ្រាន់
• ញុំាអាហារដែលមានសុខភាពល្អ
• គ្រួសារពុំគួរដាក់សំពាធឬបង្ខំស្រ្តីធ្វើការងារធ្ងន់ៗឡើយ
• គ្រួសារគួរលើកទឹកចិត្ត និងចំណាយពេលវេលាឲ្យបានច្រើន ។

គួររម្លឹកថា ប្រសិនបើស្ត្រីកំពុងមានជំងឺធ្លាក់ទឹកចិត្តក្នុងអំឡុងពេលមានផ្ទៃគឺអាចនាំឲ្យមានផលប៉ះពាល់ទៅដល់ទារកនៅក្នុងផ្ទៃ។

របបអាហារដែលស្ត្រីគួរបរិភោគក្រោយពេលសម្រាលមានដូចជា៖

• ញុំាបន្លែបៃតងឲ្យបានច្រើនដើម្បីឲ្យពោះវៀនដើរបានស្រួល
• អាហារសម្បូរជាតិដែក ប្រូតេអ៊ីន វីតាមីន កាល់ស្យូម (ថ្លើមជ្រូក, គ្រាប់សណ្តែកស, ទឹកដោះគោឆៅ...)
• ពិសាទឹកឲ្យបានគ្រប់គ្រាន់
• កុំពិសារប្រៃពេក ហឹលពេក និងក្រៀមក្រោះ
• ជៀសវាងការពិសារគ្រឿងស្រវឹង។

ជាចុងក្រោយសូមអ្នកម្តាយគ្រប់រូបគួរធ្វើចិត្តខ្លួនឯងឲ្យល្អ កុំគិតច្រើន ធ្វើរឿងល្អៗដើម្បីឲ្យខ្លួនឯងសប្បាយចិត្ត ហើយមានសុខភាពល្អទាំងខ្លួនឯងនឹងទារកក្នុងផ្ទៃ។ ចំណែកស្វាមីគួរចំណាយពេលនៅជាមួយភរិយាឲ្យបានច្រើនលើកទឹកចិត្តភរិយាឲ្យគាត់មានសុខភាពហើយកុំឲ្យគាត់គិតច្រើន៕

សូមទស្សនាវីដេអូ៖