[វីដេអូ] Ep.100 ប្រធានបទ៖ កត្តាប្រឈមនៃជំងឺរលាកថ្លើមប្រភេទB

ជំងឺរលាកថ្លើមប្រភេទ B គឺជាជំងឺដែលបង្កឡើងដោយមេរោគប្រភេទ B ហើយជំងឺនេះអាចឆ្លងពីមនុស្សម្នាក់ទៅមនុស្សម្នាក់ទៀតតាមរយៈឈាម។

កក្កដា 20, 2023 08:07 269

[វីដេអូ] Ep.100 ប្រធានបទ៖ កត្តាប្រឈមនៃជំងឺរលាកថ្លើមប្រភេទB

រោគសញ្ញា

ទាក់ទងនឹងការឆ្លង នៅពេលដែលឆ្លងថ្មីៗកម្រស្តែងចេញនូវរោគសញ្ញាណាមួយអោយបានកត់សម្គាល់ណាស់ ក៏ប៉ុន្តែក៏អាចមានករណីមួយចំនួនតូចអាចស្តែងចេញជាអាការៈដូចជា ក្តៅខ្លួន អស់កម្លាំង មានការឈឺចាប់ក្នុងពោះ ឬក្អួត ហើយអ្នកខ្លះទៀតអាចចេញឡើងលឿងនៅលើស្បែក ឬភ្នែកផងដែរ។

រោគវិនិច្ឆ័យ

ការធ្វើរោគវិនិច្ឆ័យរបស់អ្នកជំងឺរលាកថ្លើមប្រភេទ B គឺ៖

ត្រូវដឹងពីប្រវត្តិគ្រួសាររបស់អ្នកជំងឺជាមុនសិន
ការពិនិត្យជាក់ស្តែងដើម្បីស្វែងរករោគសញ្ញា
ការធ្វើតេស្តឈាម

ជំងឺរលាកថ្លើមប្រភេទ B ឆ្លងតាមរយៈ

ឈាម
ការរួមភេទដោយការប៉ះផ្ទាល់ជាមួយសារធាតុរាវមួយចំនួន
ការប្រើប្រាស់ឧបករណ៍មុតស្រួចមួយរួមគ្នាជាមួយអ្នកដែលមានផ្ទុកនៅមេរោគថ្លើមប្រភេទ B
ការចម្លងពីម្តាយទៅកូនទាំងពេល ពពោះ និងក្នុងកំឡុងពេលសម្រាល

វិធីសាស្ត្រការពារ

ការការពារដោយចាក់វ៉ាក់សាំងជួយបង្ការជំងឺរលាកថ្លើមប្រភេទ B បានដើម្បីបណ្តុះអង់ទីគ័រអាចទប់ស្កាត់នៅការចម្លងនៅមេរោគថ្លើមប្រភេទ B។ ម្យ៉ាងទៀតសម្រាប់ស្ត្រីមានផ្ទៃពោះប្រសិនបើក្នុងករណីមានទម្ងន់ហើយដឹងថាខ្លួនមានមេរោគថ្លើម B គឺត្រូវតែទៅជួបនិងតាមដានជាមួយគ្រួពេទ្យឯកទេសឬអាចសម្រាលនៅមន្ទីរពេទ្យដែលមានវ៉ាក់សាំងដើម្បីចាក់ជូនទារកទប់ស្កាត់ការចម្លងពីម្តាយទៅកូនបាន។

សូមបញ្ជាក់ផងដែរថា ជំងឺថ្លើមប្រភេទ B មិនមែនជាជំងឺតំណពូជនោះទេ អ្នកដែលមានផ្ទុកជំងឺថ្លើមប្រភេទ B អាចរស់នៅជុំគ្នា ហូបចុកជាមួយគ្នា ការប្រើប្រាស់ស្លាបព្រាជាមួយគ្នាគឺមិនមានការឆ្លងនោះទេ៕