[វីដេអូ] # Ep.82 តើគួរទទួលទានតែបៃតងក្នុងកម្រិតប៉ុន្មានដើម្បីទទួលបានផលល្អចំពោះសុខភាព?

តែបៃតង គឺជាភេសជ្ជៈដ៏ពេញនិយមបំផុតនៅទូទាំងពិភពលោក ដែលត្រូវបានគេដឹងថាមានផ្ទុកសារធាតុប្រឆាំងអុកស៊ីតកម្មខ្ពស់ និងមានអត្ថប្រយោជន៍ចំពោះសុខភាព។

កុម្ភៈ 9, 2022 01:14 1780

[វីដេអូ] # Ep.82 តើគួរទទួលទានតែបៃតងក្នុងកម្រិតប៉ុន្មានដើម្បីទទួលបានផលល្អចំពោះសុខភាព?

តើគួរផឹកតែបៃតងក្នុងកម្រិតប៉ុន្មានជារៀងរាល់ថ្ងៃ ដើម្បីទទួលបានអត្ថប្រយោជន៍? ហើយការផឹកតែបៃតងច្រើនអាចបង្កគ្រោះថ្នាក់ចំពោះសុខភាពទេ?

តែបៃតងផ្ទុកទៅដោយសារធាតុចិញ្ចឹម និងសមាសធាតុរុក្ខជាតិមានឥទ្ធិពលវិជ្ជមានចំពោះសុខភាព។ វារួមបញ្ចូលសារធាតុប្រឆាំងអុកស៊ីតកម្ម ហៅថា Catechins ដែលអាចជួយប្រឆាំងនឹងជំងឺមហារីក។

ដូចនេះ យើងសូមចែករំលែកនូវអត្ថប្រយោជន៍របស់តែបៃតងមានដូចជា

១ ការពារជំងឺមហារីកក្រពេញប្រូស្តាត តាមការសិក្សាបានបង្ហាញថា អ្នកដែលចូលចិត្តផឹកតែបៃតងទំនងមិនសូវកើតជំងឺមហារីកឡើយ ជាពិសេស អាចការពារអ្នកពីជំងឺមហារីកក្រពេញប្រូស្ដាត និងមហារីកសុដន់ចំពោះស្រ្ដី។

២ កាត់បន្ថយមហារីកក្រពះ តែបៃតងជួយកាត់បន្ថយការចុះហានិភ័យនៃជំងឺមហារីកក្រពះចំពោះស្ត្រីដែលទទួលទានតែបៃតង 5 ពែង ឬច្រើនជាងនេះក្នុងមួយថ្ងៃ។

៣ កាត់បន្ថយជំងឺទឹកនោមផ្អែម មានការសិក្សាជាច្រើនបានបង្ហាញថា តែបៃតងអាចបន្ថយហានិភ័យនៃការវិវត្តទៅជាជំងឺទឹកនោមផ្អែមដំណាក់កាលទី2 និងជំងឺបេះដូង ចំពោះអ្នកដែលទទួលទានតែបៃតង 6 ពែង ឬច្រើនជាងនេះជារៀងរាល់ថ្ងៃ មានការថយចុះ 33%។

៤ ជំងឺបេះដូង

អ្នកដែលទទួលទានតែបៃតង ១ ទៅ ៣ ពែងជារៀងរាល់ថ្ងៃ មានហានិភ័យទាបនៃការគាំងបេះដូង និងដាច់សរសៃឈាមខួរក្បាល បើធៀបនឹងអ្នកដែលផឹកតិចជាងមួយពែង។

បន្ថែមពីនេះការផឹកតែបៃតងរាល់ថ្ងៃអាចជួយឲ្យអ្នកស្រកទម្ងន់បានផងដែរ។ តែបៃតងមានតួនាទីជំរុញការរំលាយអាហារ និងបង្កើនចលនាដុតបំផ្លាញជាតិខ្លាញ់ចន្លោះពី 75-100 កាឡូរីក្នុងមួយថ្ងៃ។ តែបៃតងមាននាទីជួយដល់ប្រព័ន្ធការពារ ធ្វើឲ្យមុខងារខួរក្បាលប្រសើរឡើង សម្រួលដល់សុខភាពមាត់ធ្មេញ កាត់បន្ថយហានិភ័យនៃជំងឺរលាកសន្លាក់ និងជំងឺភ្លេចភ្លាំង។

ទោះបីជាតែបៃតងផ្ដល់ផលវិជ្ជមានចំពោះរាងកាយយ៉ាងណាក៏ដោយវាក៏អាចផ្ដល់ជាផលអវិជ្ជមាន ក្នុងករណីដែលអ្នកទទួលទានលើសកម្រិតផងដែរ៕

សូមចុច join Telegram https://t.me/cngtvcambodia