[វីដេអូ] Ep.60 ប្រធានបទ៖​ ផលវិបាកស្រួចស្រាវនៃជំងឺទឹកនោមផ្អែម

ជាទូទៅផលវិបាកទី1 នៃការចុះជាតិស្ករនៃជំងឺទឹកនោមផ្អែមបណ្តាលមកពីអាការ:មានដូចជា

• ការប្រើប្រាស់ថ្នាំបញ្ចុះជាតិស្ករ ឬក៏អាំងស៊ុយលីនលើសកំរិត
• ការធ្វើដំណមអាហារហួសហេតុ
• ការធ្វើហាត់ប្រាណហួសកំរិតពេក
• ទទួលទានជាតិអាល់កុលក្នុងបរិមាណច្រើន។ល។

រោគសញ្ញាទី1

មានដូចខាងក្រោម:

• មានការញ័រទ្រូង ឬកដៃ
• បែកញើស
• ឈឺក្បាល
• ស្រវាំងភ្នែក
• អាចបាត់បង់ស្មារតី។ល។

ផលវិបាកទី2 ការឡើងជាតិស្ករវិញជាទូទៅបណ្តាលមកពីអាការ:ដូចជា

• ការប្រើប្រាស់ថ្នាំបញ្ចុះជាតិស្ករ ឬអាំងស៊ុយលីន
• ការធ្វើរបបអាហារមិនបានត្រឹមត្រូវ
• ការប្រើឧសថថ្នាំសរសៃ (អាចធ្វើឲ្យជាតិស្ករមានការកើនឡើង)

រោគសញ្ញាទី2:

• មានការស្រេកទឹកខ្លាំង
• នោមច្រើនដង
• ស្រកគីឡូ និង អស់កំលាំងខ្លាំង

ផលវិបាកទី3 នៃការឡើងជាតិអាស៊ីតសេតូននៅក្នុងឈាមនៃជំងឺទឹកនោមផ្អែម

បណ្តាលមកពី:

• ការកង្វះអាំងស៊ុយលីន អ្នកជំងឺភ្លេចចាក់អាំងស៊ុយលីន ហើយមួយទៀតអ្នកជំងឺបានចាក់អាំងស៊ុយលីនប៉ុន្តែមានការបង្ករោគ ឬប្រើប្រាស់ថ្នាំសរសៃ
• ទាក់ទងនូវស្ថានភាពស្រ្តេសណាមួយ (ការរលាកលំពែង ស្ទះសរសៃឈាមបេះដូង)

រោគសញ្ញាទី3

មានដូចជា:

• ស្រេកទឹក​ (ហូបទឹកច្រើន)
• នោមច្រើនដង
• ស្រកគីឡូ
• ឈឺពោះ
• ក្អួតចង្អោរ
• ពិបាកដកដង្ហើម (ដកដង្ហើមវែងៗ ប៉ុន្តែមានក្លិនដូចទឹកថ្នាំលាបក្រចកដៃ)

ផលវិបាកទី4 ការឡើងជាតិអាស៊ីតឡាក់តិចនៃជំងឺទឹកនោមផ្អែមបណ្តាលមកពី:

• ការប្រើប្រាស់ថ្នាំបញ្ចុះជាតិស្ករម្យ៉ាងឈ្មោះថា មេហ្វុងលីនទៅលើអ្នកជំងឺទឹកនោមផ្អែម ប៉ុន្តែមានតម្រងនោមចុះខ្សោយ
• ការដកដង្ហើមពុំមានក្លិនឡើយ
• ការពិនិត្យឈាម ក្នុងឈាមមានជាតិស្ករកើនឡើង អាស៊ីតឡាក់តិចមានការកើនឡើងប៉ុន្តែ PH​ ក្នុងឈាមមានការថយចុះ ហើយក៏ពុំមានវត្តមានសេតូននៅក្នុងទឹកនោមទេ។

វិធីព្យាបាល

តម្រូវឲ្យអ្នកជំងឺសំរាកនៅមន្ទីរពេទ្យដើម្បីពិនិត្យតាមដានពីការព្យាបាល និង មូលហេតុដែរបង្កឲ្យលិចចេញនៃផលវិបាកទាំងអស់នេះ។

ក្នុងករណីអ្នកជំងឺមានការចុះជាតិស្ករកម្រិតស្រាលហើយ គ្រូពេទ្យអាចអនុញ្ញាតឲ្យគាត់បរិភោគជាតិស្ករ ហើយតាមដានជាតិស្ករ ដើម្បីស្វែងយល់នូវមូលហេតុដែលបង្កឲ្យមានការចុះជាតិស្ករ។

វិធីសាស្រ្តការពារ

អ្នកជំងឺគួរតែទទួលការប្រឹក្សាជាមួយគ្រូពេទ្យជំនាញឲ្យបានច្បាស់លាស់ ជៀសវាងការបញ្ឈប់ថ្នាំដោយគ្មានការប្រឹក្សា ឬការប្រើប្រាស់ថ្នាំផ្តេសផ្តាសមិនតាមវេជ្ជបញ្ជា។ ក្នុងករណីមានរោគសញ្ញាសង្ស័យគួរតែទំនាក់ទំនងជាមួយគ្រូពេទ្យជំនាញដើម្បីជួយរកនូវមូលហេតុដែលកើតឡើងឲ្យបានច្បាស់លាស់។​

សារដ៏មានសារ:ប្រយោជន៏

អ្នកជំងឺគួរតែស្វែងយល់អំពីរោគសញ្ញានៃផលវិបាករបស់ជំងឺទឹកនោមផ្អែម ព្រោះការយល់ដឹងពីរោគសញ្ញានេះអាចឲ្យគាត់ស្វែងរកសេវាធ្វើការព្យាបាលទាន់ពេលវេលា៕

សូមទស្សនាវីដេអូខាងក្រោម: