[វីដេអូ] Ep.169 ប្រធានបទ៖ ជំងឺទ្រីសូមីទី២១ ឬជំងឺ Down Syndrome

ជំងឺទ្រីសូមីទី២១ ឬជំងឺ Down Syndrome មានកម្រិតហានិភ័យទៅតាមអាយុរបស់មនុស្សស្រីក្នុងអំឡុងពេលមានផ្ទៃពោះ កាលណាស្រ្តីមានផ្ទៃពោះក្នុងអាយុកាន់តែច្រើន ហានិភ័យក៏កាន់តែខ្ពស់ទៅតាមកម្រិតនៃអាយុ និងសុខភាពខ្លួនឯងផ្ទាល់។

កុម្ភៈ 7, 2024 09:19 536

[វីដេអូ] Ep.169 ប្រធានបទ៖ ជំងឺទ្រីសូមីទី២១ ឬជំងឺ Down Syndrome

ជំងឺទ្រីសូមីទី២១ ឬជំងឺ Down Syndrome គឺជាជំងឺមួយដែលទាក់ទងជាមួយនឹងហ្សែន(Genetic)ដែលក្រូម៉ូសូមទី២១(Chromosome 21)របស់កោសិកាមនុស្សមានចំនួនរហូតដល់ទៅបី ដែលជាធម្មតាមនុស្សមានតែពីរប៉ុណ្ណោះ។

ចំពោះជំងឺទ្រីសូមីទី២១ ឬជំងឺ Down Syndrome កត្តាប្រឈមទៅលើស្រ្តីមានផ្ទៃពោះ៖
    ● អាយុក្រោយ ៣៥ ឆ្នាំ មានអាត្រាកើតជំងឺលើក្មេងចំនួន ១/៣៥០
    ● អាយុក្រោយ ៤០ ឆ្នាំ មានអាត្រាកើតជំងឺលើក្មេងចំនួន ១/១០០
    ● អាយុក្រោយ ៤៥ ឆ្នាំ មានអាត្រាកើតជំងឺលើក្មេងចំនួន ១/៣០
    ● អាយុក្រោយ ៤៩ ឆ្នាំឡើងទៅ មានអាត្រាកើតជំងឺលើក្មេងចំនួន ១/១០។

ជំងឺទ្រីសូមីទី២១ ឬជំងឺ Down Syndrome មានកម្រិតហានិភ័យទៅតាមអាយុរបស់មនុស្សស្រីក្នុងអំឡុងពេលមានផ្ទៃពោះ កាលណាស្រ្តីមានផ្ទៃពោះក្នុងអាយុកាន់តែច្រើន ហានិភ័យក៏កាន់តែខ្ពស់ទៅតាមកម្រិតនៃអាយុ និងសុខភាពខ្លួនឯងផ្ទាល់។

រោគសញ្ញានៃជំងឺនេះកើតលើទារក៖
    ● ក្បាលតូច សំប៉ែត កខ្លី អប្រក្រតីនៃមុខមាត់
    ● ដៃធំ ខ្លី និងម្រាមដៃទី ៥ មានរាងកោង
    ● សាច់ដុំកទន់ និងខ្សោយល្ហិតល្ហៃ
    ● ស្បែកស្ងួត
    ● ខ្សែទទឹងនៃម្រាមដៃតែមួយ
    ● ស្បែកស្ងួត
    ● ខ្នងគម ជើងខ្វេ ទឹកដកក្នុងភ្នែក
    ● មានបេះដូងចំហ គ្មានរន្ធគូថ ឬខ្ទះប្រព័ន្ធរំលាយអាហារពីកំណើត។ល។

ជំងឺទ្រីសូមីទី២១ ឬជំងឺ Down Syndrome មានផលប៉ះពាល់យ៉ាងខ្លាំងលើទារក ដូច្នេះមាតាដែលកំពុងតែបង្កកំណើត និងមានអាយុច្រើនដូចដែលបង្ហាញនៅខាងលើគួរតែ៖
    ● ពិនិត្យផ្ទៃពោះក្នុងរយៈពេលភគ៌នៃសប្តាហ៍ទី ៩ ដល់ទី ១៣
    ● ពិនិត្យអេកូ ដោយវាស់លើកម្រាស់ស្បែកក(ពិនិត្យនៅសប្តាហ៍ទី ១១ ដល់ទី ១៣)
    ● តេស្តឈាមនៅសប្តាហ៍ទី ១១ ដល់ទី ១៣(Double Tests)។