ជួយគាំទ្រផលិតផលក្នុងស្រុកផង! កូនខ្មែរច្នៃដើមចេក ផលិតជាកញ្ចប់សាប៊ូ ចោលកន្លែងណាក៏រលាយបាត់ទៅវិញដែរ

ពិតជាមានគំនិតច្នៃប្រឌិតណាស់កូនខ្មែរ អាចយកដើមចេកពីធម្មជាតិសុទ្ធសាធមកផលិតជាកញ្ចប់សាប៊ូ ឆ្លងកាត់ច្រើនដំណាក់កាលទម្រាំក្លាយជាផលិតផលសម្រេច ប៉ុន្តែអាចជួយការពារបរិស្ថាន តាមរយៈការកាត់បន្ថយប្រើប្រាស់ប្លាស្ទិក ព្រោះវាអាចរលាយបានក្នុងបរិស្ថានទោះចោលនៅកន្លែងណាក៏ដោយ ។ម្យ៉ាងវិញទៀតវា ជាបេសកម្មជួយស្រ្តីក្នុងប្រទេសកម្ពុជា ជួយគាំទ្រផលិតផលក្នុងស្រុកនិងផលិតដោយដៃកូនខ្មែរ។

វិថ្ឆិកា 23, 2020 02:57 2485

 
Share
ជួយគាំទ្រផលិតផលក្នុងស្រុកផង! កូនខ្មែរច្នៃដើមចេក ផលិតជាកញ្ចប់សាប៊ូ ចោលកន្លែងណាក៏រលាយបាត់ទៅវិញដែរ
ជួយគាំទ្រផលិតផលក្នុងស្រុកផង! កូនខ្មែរច្នៃដើមចេក ផលិតជាកញ្ចប់សាប៊ូ ចោលកន្លែងណាក៏រលាយបាត់ទៅវិញដែរ

បើយោងតាមទំព័រហ្វេសប៊ុកផេកឈ្មោះ Dai Khmer បានបង្ហាញពីការផលិតដោយដៃយកដើមចេកមកផលិតជាកញ្ចប់សាប៊ូ ត្រូវចំណាយពេលជាច្រើនម៉ោង ច្រើនថ្ងៃទម្រាំក្លាយជាក្រដាសអាចខ្ចប់របស់បាន ។ ក្នុងនោះគេត្រូវយកដើមចេកដែលហាន់ជាកង់ៗស្ដើងៗស្ងោរយៈពេល ៨ ម៉ោង និងចំណាយពេល ២ ថ្ងៃ ក្នុងការផលិត ទើបអាចយកទៅប្រើប្រាស់ធ្វើជាកញ្ចប់សាប៊ូបាន ។

នេះអាចចាត់ទុកថា ជាគំនិតច្នៃប្រឌិតដ៏ប៉ិនប្រសប់មួយដែលកូនខ្មែរអាចកែច្នៃធនធានធម្មជាតិដែលងាយស្រួលរកបំផុតមកជាផលិតផលមានតម្លៃ ព្រមទាំងអាចជួយដល់បរិស្ថានទៀតផង ៕

 

 

ប្រភព: Dai Khmer

ពាក្យទាក់ទង: