កម្ពុជា ជាប្រទេសដែលមានអត្រាឆ្លងវីរុសកូវីដ-១៩ ទាបជាងគេបំផុត នៅអាស៊ីអាគ្នេយ៍

ព្រះរាជាណាចក្រកម្ពុជា បានក្លាយជាប្រទេសដែលមានអត្រាឆ្លងវីរុសកូវីដ-១៩ តិចជាងគេបំផុត នៅក្នុងចំណោមប្រទេសទាំង១០ នៃសមាគមប្រជាជាតិអាស៊ីអាគ្នេយ៍ (អាស៊ាន) ដែលពីមុនគឺប្រទេសព្រុយណេ។ នេះបើយោងតាមប្រភពរបស់អង្គការសុខភាពពិភពលោក គិតត្រឹមថ្ងៃទី០៣ ខែមេសា ឆ្នាំ២០២២។

មេសា 4, 2022 11:26 1212

កម្ពុជា ជាប្រទេសដែលមានអត្រាឆ្លងវីរុសកូវីដ-១៩ ទាបជាងគេបំផុត នៅអាស៊ីអាគ្នេយ៍

ប្រភពដដែលបានបញ្ជាក់ថា ប្រទេសវៀតណាម បានស្ថិតនៅចំណាត់ថ្នាក់ខ្ពស់បំផុត ដោយមានអត្រាឆ្លងសរុប ៩ ៧១៦ ២៨២ នាក់ ស្លាប់ចំនួន ៤២ ៥៦៣ នាក់ ជាសះស្បើយចំនួន ៧ ៧១៣ ៣៥៤ នាក់ និងកំពុងសម្រាកព្យាបាលចំនួន ១ ៩៦០ ៣៦៥ នាក់។ ប្រទេសឥណ្ឌូនេស៊ី ឈរនៅចំណាត់ថ្នាក់លេខ២ ដោយមានអត្រាឆ្លងសរុប ៦ ០១៩ ៩៨១ នាក់ ស្លាប់ចំនួន ១៥៥ ២៨៨ នាក់ ជាសះស្បើយចំនួន ៥ ៧៦៨ ៧០៣ នាក់ និងកំពុងសម្រាកព្យាបាលចំនួន ៩៥ ៩៩០ នាក់។

ជាមួយគ្នានេះ ប្រទេសម៉ាឡេស៊ី ឈរក្នុងចំណាត់ថ្នាក់ទី៣ ដោយមានករណីឆ្លងសរុប ៤ ២៣៤ ០៨៧ នាក់ ប្រទេសថៃ នៅចំណាត់ថ្នាក់ទី៤ ដោយមានករណីឆ្លងសរុប ៣ ៧១១ ៥៩៥ នាក់ និងចំណាត់ថ្នាក់ទី៥ គឺប្រទេសហ្វលីពីន ដែលមានករណីឆ្លងសរុប ៣ ៦៧៩ ៦២៩ នាក់។ ទី៦ គឺប្រទេសសឹង្ហបុរី ដោយមានអត្រាឆ្លងសរុប ១ ១០៦ ០០១ នាក់ និងទី៧ សហភាពមីយ៉ាន់ម៉ា មានអត្រាឆ្លងសរុប ៦១១ ៨០៩ នាក់ ហើយទី៨ និងទី៩ គឺប្រទេសឡាវ និងប្រទេសព្រុយណេ មានអត្រាឆ្លងសរុប ១៨៣ ៥៦០ នាក់ និង ១៣៥ ៩៧៤ នាក់។

សម្រាប់កម្ពុជាវិញ មានអត្រាឆ្លងសរុប ១៣៥ ៧៤៧ នាក់ មរណភាពសរុប ៣ ០៥៤ នាក់ ជាសះស្បើយសរុប ១៣២ ០៦៨ នាក់ និងកំពុងសម្រាកព្យាបាល ៦២៥ នាក់។

ជាសរុបរួមនៅក្នុងតំបន់អាស៊ាន មានករណីឆ្លងសរុប ២៩ ៥៣៤ ៦៦៥ នាក់ ករណីឆ្លងថ្មី ១១៦ ៦៤២ នាក់ ករណីមរណភាព ៣៤២ ២១២ នាក់ ករណីជាសះស្បើយ ២៦ ៥៥៣ ៣៥១ នាក់ និងកំពុងសម្រាកព្យាបាល ២ ៦៣៨ ៩៨៣នាក់ ដែលក្នុងចំណោមនេះ ភាគច្រើនបំផុតគឺប្រទេសវៀតណាម ដែលមានជិត ២លាននាក់៕