ដូណាល់ត្រាំ និងភរិយាកំពុងធ្វើចត្តាឡីស័ក និងរង់ចាំលទ្ធផលតេស្តកូវីដ១៩ បន្ទាប់ពីទីប្រឹក្សាជាន់ខ្ពស់របស់លោកបានឆ្លងវីរុសកូវីដ១៩

វ៉ាស៊ីនតោន៖ ប្រធានាធិបតីសហរដ្ឋអាមេរិកលោក ដូណាល់ត្រាំ និងភរិយារបស់លោក អ្នកស្រី មេឡានៀ ត្រាំ (Melania Trump) កំពុងចាប់ផ្តើមធ្វើចត្តាឡីស័ក និងរង់ចាំលទ្ធផលតេស្តកូវីដ១៩ បន្ទាប់ពីទីប្រឹក្សាជាន់ខ្ពស់មួយរូបរបស់លោកត្រាំ ដែលលោកបានចំណាយពេលជាច្រើនជាមួយនៅសប្តាហ៍នេះ ត្រូវបានគេរាយការណ៍ថា មានឆ្លងវីរុសកូវីដ១៩។

តុលា 2, 2020 04:51 561

ដូណាល់ត្រាំ និងភរិយាកំពុងធ្វើចត្តាឡីស័ក និងរង់ចាំលទ្ធផលតេស្តកូវីដ១៩ បន្ទាប់ពីទីប្រឹក្សាជាន់ខ្ពស់របស់លោកបានឆ្លងវីរុសកូវីដ១៩

ដូណាល់ត្រាំបានបង្ហោះសារតាមរយៈបណ្តាញសង្គមធ្វីតធើ (Twitter) ថា រូបលោក និងភរិយា នឹងធ្វើ ចត្តាឡីស័ក ហើយពេលនេះកំពុងរង់ចាំលទ្ធផលតេស្ត។

ទីប្រឹក្សាជាន់ខ្ពស់ដ៏ជិតស្និទ្ធរបស់លោកត្រាំមួយរូប គឺលោកស្រី ហូប ហីកស៍ (Hope Hicks) ត្រូវបាន ឆ្លងវីរុសកូវីដ១៩ បន្ទាប់ពីបានរួមដំណើរជាមួយលោក ត្រាំ កាលពីថ្មីៗនេះនៅពេលធ្វើដំណើរទៅវេទិកាតស៊ូមតិក្នុងទីក្រុង ក្លេវលែន (Cleveland) កាលពីថ្ងៃអង្គារ និងទៅចូលរួមក្នុងយុទ្ធនាការឃោសនា បោះឆ្នោត កាលពីថ្ងៃពុធកន្លងទៅនៅឯរដ្ឋមីននីសូតា (Minnesota)។

សូមជម្រាបថា សេតវិមានមិនទាន់បានឆ្លើយតបភ្លាមៗនឹងសំណួរជាច្រើនដែលពាក់ព័ន្ធនឹងលទ្ធផល តេស្តចុងក្រោយរបស់លោកត្រាំ និងបុគ្គលិករបស់លោកជាច្រើនទៀត ដែលរួមដំណើរជាមួយលោកស្រីទីប្រឹក្សាដែលបានឆ្លងវីរុសនៅឡើយទេ៕