ក្រុមហ៊ុន Apple បើកឲ្យប្រើប្រាស់កម្មវិធី Final Cut Pro និង Logic pro x ដោយមិនគិតថ្លៃរយ:ពេល ៩០ថ្ងៃ

ក្រុមហ៊ុន Apple បានបង្កើតនៅ app ថ្មីចំនួនពីរដែលជាប្រភេទកម្មវីធីកាត់តវីដេអូមានឈ្មោះថា Final Cut Pro X និង កម្មវីធីមួយទៀតជាប្រភេទកម្មវីធីផលិតតន្ត្រីមានឈ្មោះថា Logic Pro X ហើយកម្មវិធីទាំងពីរនេះសុទ្ធតែអាចប្រើប្រាស់បានរយ:ពេល ៩០ថ្ងៃដោយមិនគិតថ្លៃ។

មិនា 30, 2020 03:00 2054

ក្រុមហ៊ុន Appleបើកឲ្យប្រើប្រាស់កម្មវិធី Final Cut Pro និង Logic pro x

ដោយសារតែការរាតត្បាតនៃវីរុសកូវីដ១៩ បានធ្វើឲ្យមនុស្សជាច្រើនមិនអាចចេញពីផ្ទះទៅធ្វើការ ឬបំពេញការសិក្សា ដូចនេះការប្រើប្រាស់កម្មវិធីដែលមានតម្លៃរាប់រយដុល្លារនៅក្នុងពេលនេះគឺជាបញ្ហាចោទ។ហេតុនេះហើយបានជាក្រុមហ៊ុន Apple បានសរសេរក្នុងសេចក្ដីប្រកាសថា៖ "ពួកយើងសង្ឃឹមថាអតិថិជនដែលនៅផ្ទះហើយចង់រៀនស្វែងរកអ្វីថ្មីនឹងសាកល្បងការប្រើប្រាស់កម្មវិធីមិនគិតថ្លៃនេះ”

គួររម្លឹកថាកម្មវិធី Final Cut Pro X បានសាកល្បងដាក់ឲ្យប្រើប្រាស់ដោយឥតគិតថ្លៃរយ:ពេល ៣០ ថ្ងៃរួចមកហើយ ប៉ុន្តែសម្រាប់កម្មវិធី Logic Pro X គឺមិនមាននោះទេ។ សូមបញ្ជាក់ថាក្រុមហ៊ុន Apple មិនបានលើកឡើងពីពេលវេលាដែលការផ្តល់ជូនសម្រាប់ការសាកល្បងរយៈពេល ៩០ ថ្ងៃនឹងត្រូវបញ្ចប់នោះទេ។បន្ថែមពីនេះអតិថិជនដែលបានដោនលោតយកទៅប្រើប្រាស់សាកល្បង ៣០ ថ្ងៃនៃ Final Cut Pro X នឹងទទួលបានអត្ថប្រយោជន៍ពីរយៈពេលសាកល្បងបន្ថែមទៀតផងដែរ។សំរាប់អ្នកដែលចង់ទិញកម្មវិធី Final Cut Pro X គឺមានតម្លៃ ៣០០ដុល្លារ ហើយកម្មវិធី Logic Pro X មានតម្លៃ ២០០ដុល្លារ៕