ស្ងាត់ៗ! ដេនី ក្វាន់ ទម្លាយរូបកាលពីនៅក្មេង ដោយភ្ជាប់ជាមួយពាក្យពេចន៍ថា....

តារាសម្តែងសាច់សខ្ចីចូលចិត្តស្លៀកស៊ិចស៊ីគឺអ្នកនាង ដេនីក្វាន់ ដែលតែងតែបង្ហាញរូបស្អាតៗជាច្រើន ។ ជាក់ស្តែងកាលពីពេលថ្មីៗ នេះកញ្ញាបានបង្ហាញរូបថតកាលនៅពីក្មេង ដែលមិនទាន់ស្គាល់មុខកាំបិទកែកុន មកប្រៀបធៀបពេលឥឡូវខុសគ្នាស្រឡះតែម្តង។

តុលា 4, 2021 08:21 1823

ស្ងាត់ៗ! ដេនី ក្វាន់ ទម្លាយរូបកាលពីនៅក្មេង ដោយភ្ជាប់ជាមួយពាក្យពេចន៍ថា....

នៅប៉ុន្មានម៉ោងមុននេះ អ្នកនាង ដេនីក្វាន់ បានបង្ហោះរូបថត២សន្លឹក នៅលើគណនីហ្វេសប៊ុករបស់អ្នកនាង ដោយបង្ហាញពីការប្រៀបធៀបរវាងរូបអ្នកនាងកាលនៅពីក្មេងសម្បុរខ្មៅ ច្រមុះកំពិត ខុសពីពេលឥឡូវនេះអ្នកនាងមានស្បែកសចែងចាំង ច្រមុះស្រួច។ ក្នុងនោះអ្នកនាងបានសរសេរបញ្ជាក់ថា៖" មើលទៅដូចមនុស្សពីរផ្សេងគ្នា ទាំងដែលការពិតជាមនុស្សតែមួយ ទាំងនេះក៏ដោយសារឥទ្ធិពលនៃការវះកាត់កែសម្ផស្ស ពីមុនគេហៅអូនតែមីខ្មៅ មីច្រមុះកំពិត ឥឡូវមិនដូចមុនទេ អូនស្អាតហើយ សំរាប់បងប្អូនចង់កែសម្ផស្ស មករកដេននីក្វាន់មក ដឹងតែមិនខុសចិត្តទេ"។

ក្រោយអ្នកនាងបានបង្ហោះរូបនេះឡើង ធ្វើឲ្យអ្នកគាំទ្រអ្នកនាងខ្លះសរសើរពីភាពមិនលាក់លៀមរបស់នា ងក្រោយពេលកែសម្ផស្សរួច ស្របពេលអ្នកខ្លះទៀតថាកាលពីតូចទម្រង់មុខរបស់នាងស្អាត ខ្មៅមែនពិតតែស្រស់គួរឲ្យស្រលាញ់៕