ក្រុមហ៊ុន Zuellig Pharma ដែលជាក្រុមហ៊ុននាំចូលនិងចែកចាយឱសថ និងផលិតផលសុខភាពនៅក្នុងទ្វីបអាស៊ី សហការជាមួយក្រុមហ៊ុន Abbott រួមគ្នាបង្កើតកម្មវិធីដាក់សម្ភោធផលិតផលថ្មីដែលមានឈ្មោះថា BioGaia

ភ្នំពេញ ថ្ងៃទី២០ ខែតុលា ឆ្នាំ ២០២២ ក្រុមហ៊ុន Zuellig Pharma ដែលជាក្រុមហ៊ុននាំចូលនិងចែកចាយឱសថ និងផលិតផលសុខភាពនៅក្នុងទ្វីបអាស៊ី ជាមួយនឹងដៃគូរសំខាន់មួយនៅក្នុងប្រទេសកម្ពុជាគឺក្រុមហ៊ុនAbbott រួមគ្នាបង្កើតកម្មវិធីដាក់សម្ភោធផលិតផលថ្មីដែលមានឈ្មោះថា BioGaia ដែលប្រព្រឹត្តនៅសណ្ឋាគារ ភ្នំពេញ ដោយមានការចូលរួមពីសំណាក់វាគ្មិន និង ឱសថការីជាច្រើន ក្នុងគោលបំណងផ្តល់នូវចំណេះដឹង ថ្មីៗស្តីអំពី ការព្យាបាល និងការការពារបញ្ហាក្រពះពោះវៀនអោយបានត្រឹមត្រូវ ដើម្បីជីវិតកាន់តែប្រសើរ។

តុលា 21, 2022 06:45 640

ក្រុមហ៊ុន Zuellig Pharma ដែលជាក្រុមហ៊ុននាំចូលនិងចែកចាយឱសថ និងផលិតផលសុខភាពនៅក្នុងទ្វីបអាស៊ី សហការជាមួយក្រុមហ៊ុន Abbott រួមគ្នាបង្កើតកម្មវិធីដាក់សម្ភោធផលិតផលថ្មីដែលមានឈ្មោះថា BioGaia

ក្នុងកម្មវិធីសម្ភោធផលិតផលថ្មីនេះ ក្រោមការៀបចំរបស់ក្រុមហ៊ុន Zuellig PharmaនិងAbbott ផ្តោតលើប្រធានបទ «ស្វែងយល់បន្ថែមអំពីបញ្ហានានាដែលកើតឡើងដោយសារភាពមិនប្រកតីនៃមុខងាររបស់ក្រពះ ពោះវៀនចំពោះកុមារ និងមនុស្សពេញវ័យ ព្រមទាំងភ្ជាប់ជាមួយដំណោះស្រាយដូចជាការព្យាបាល និងការការពារ» ជាផលប្រយោជន៍មួយដែលឱសថការីទាំងអស់ អាចប្រើប្រាស់បានក្នុងការអនុវត្តផ្នែកសេវាសុខាភិបាលដល់អ្នកជំងឺក្នុងពេលមានរោគសញ្ញាស្រាលនៅតាមឱសថស្ថាននានាប្រចាំថ្ងៃបាន។ ឱសថការី បានចូលរួមចំណែកយ៉ាងសំខាន់ ក្នុងការផ្តល់សេវាថែទាំសុខភាពដល់ប្រជាជនកម្ពុជា។

ពិធីនេះក៏មានការអញ្ជើញចូលរួមពីវាគ្មិនកិត្តិយសរួមមាន លោកសាស្ត្រាចារ្យជំនួយ សៅ សុគន្ធវឌ្ឍនា ដែលលោកមានជំនាញឯកទេសរោគកុមារ និង លោក ជា សុខរតនា ជាប្រធានផ្នែកលក់របស់ក្រុមហ៊ុន Zuellig Pharma បានរួមគ្នាលើកកម្ពស់ប្រសិទ្ធភាពនិងវិធីសាស្ត្រក្នុងការគ្រប់គ្រងបញ្ហាមុខងារក្រពះពោះវៀនចំពោះកុមារ និងមនុស្សពេញវ័យ តាមរយៈបទបង្ហាញថ្មីៗដល់ឱសថការីដែលបានចូលរួមកម្មវិធី និងការអនុវត្តផ្ទាល់ក្នុងអាជីវកម្មផ្នែកសេវាសុខាភិបាលរបស់ឱសថការីដល់ប្រជាជនកម្ពុជាក្នុងពេលមានរោគសញ្ញាស្រាល។

ក្រុមហ៊ុន Zuellig Pharma និងAbbott នៅតែបន្តគាំទ្រនិងពង្រីកយុទ្ធនាការអប់រំផ្សេងៗដែលធានាថា ការចូលរួមចំណែករបស់ពួកយើងនឹងបន្តជួយធ្វើឱ្យការថែទាំសុខភាពកាន់តែងាយស្រួល ដល់ប្រជាជនកម្ពុជា។