លោក ដូណាល់ ត្រាំ ពន្យាពេលនៃកិច្ចប្រជុំកំពូល G7 ដោយគ្រោងអញ្ជើញប្រទេសបន្ថែមទៀតចូលរួម

ប្រធានាធិបតីសហរដ្ឋអាមេរិកលោក ដូណាល់ ត្រាំ បានប្រកាសថា លោកនឹងពន្យាពេលធ្វើកិច្ចប្រជុំកំពូល G7 ដោយលើកកិច្ចប្រជុំដែលគ្រោងធ្វើនៅចុងខែមិថុនានេះវិញ ហើយគ្រោងនឹងអញ្ជើញបណ្តាលប្រទេសជាច្រើនទៀតឲ្យចូលរួម ក្នុងនោះរួមមានប្រទេស អូស្រ្តាលី រុស្ស៊ី កូរ៉េខាងត្បូង និងឥណ្ឌាជាដើម។ នេះបើតាមការចុះផ្សាយរបស់សារព័ត៌មានអាល់ហ្សាហ្ស៊ីរ៉ា (ALJAZEERA) ម្សិលមិញនេះ។

មិថុនា 1, 2020 09:28 796

 
Share
លោក ដូណាល់ ត្រាំ ពន្យាពេលនៃកិច្ចប្រជុំកំពូល G7 ដោយគ្រោងអញ្ជើញប្រទេសបន្ថែមទៀតចូលរួម
លោក ដូណាល់ ត្រាំ ពន្យាពេលនៃកិច្ចប្រជុំកំពូល G7 ដោយគ្រោងអញ្ជើញប្រទេសបន្ថែមទៀតចូលរួម
លោក ដូណាល់ ត្រាំ ពន្យាពេលនៃកិច្ចប្រជុំកំពូល G7 ដោយគ្រោងអញ្ជើញប្រទេសបន្ថែមទៀតចូលរួម

ថ្លែងទៅកាន់ក្រុមអ្នកយកព័ត៌មាននៅលើយន្តហោះរបស់ប្រធានាធិបតីក្នុងអំឡុងពេលដែលលោកវិលត្រឡប់មកពីរដ្ឋផ្លរីដាវិញ លោក ត្រាំ បានឲ្យដឹងថា កិច្ចប្រជុំកំពូល G7 ក្នុងទម្រង់មួយដែលមានបណ្តាប្រទេសជាសមាជិកបច្ចុប្បន្នគឺវាហួសសម័យទៅហើយ។

 

ការសម្រេចចិត្តនេះគឺជារឿងមួយដ៏ល្អសម្រាប់លោក ត្រាំ ក្នុងការស្វះស្វែងធ្វើជាម្ចាស់ផ្ទះនៃក្រុមប្រទេសឧស្សាហកម្មធំៗ នៅទីក្រុងវ៉ាស៊ីនតោន ដើម្បីបង្ហាញថា​ សហរដ្ឋអាមេរិកកំពុងវិលត្រឡប់មករកសភាពប្រក្រតីវិញហើយ​ បន្ទាប់ពីការរីករាលដាលនៃវីរុសកូរ៉ូណាដែលបានសម្លាប់ជនជាតិអាមេរិកប្រមាណជាង ១០៣,០០០ នាក់រហូតមកដល់ពេលបច្ចុប្បន្ននេះ។

គួរម្លឹកផងដែរថា កិច្ចប្រជុំកំពូល​ G7 ត្រូវបានបង្កើតឡើងដោយសហរដ្ឋអាមេរិក​ អ៊ីតាលី ជប៉ុន កាណាដា បារាំង អាល្លឺម៉ង់​ ចក្រភពអង់គ្លេសក៏ដូចជាសហភាព​អឺរ៉ុបផងដែរ៕

ប្រភព៖ ALJAZEERA ដោយ៖ ជា​ បញ្ញា

ពាក្យទាក់ទង: