ខេត្តកំពង់ឆ្នាំង រកឃើញជំងឺគ្រុនឈាមលើកុមារចំនួន ១៤៣ករណី និងស្លាប់២ករណី

កំពង់ឆ្នាំង៖ ចាប់ពីដើមខែមករា រហូតមកដល់ថ្ងៃទី១៨ ខែកក្កដា ឆ្នាំ២០២៣នេះ ជំងឺគ្រុនឈាមលើកុមារនៅក្នុងខេត្តកំពង់ឆ្នាំង បានកើតឡើងចំនួន ១៤៣ករណី និងបានស្លាប់២ករណី ហើយឆ្នាំ២០២៣នេះ ប្រភេទជំងឺគ្រុនឈាមនេះ មានសភាពធ្ងន់ជាងឆ្នាំ២០២២ ។ នេះបើយោងតាមតាមការការបញ្ជាក់ពីលោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង នៅថ្ងៃទី១៨ ខែកក្កដា ឆ្នាំ២០២៣នេះ។

កក្កដា 19, 2023 07:06 222

ខេត្តកំពង់ឆ្នាំង រកឃើញជំងឺគ្រុនឈាមលើកុមារចំនួន ១៤៣ករណី និងស្លាប់២ករណី

លោកវេជ្ជបណ្ឌិតបានបន្តថា ជំងឺគ្រុនឈាមលើកុមារ ក្នុងរយៈពេល៦ខែឆ្នាំម២០២៣នេះ មានអត្រាសឹងស្មើគ្នាទៅឆ្នាំកន្លងទៅ ដោយឆ្នាំ២០២៣នេះ មានចំនួន១៤៣ករណី និងឆ្នាំ២០២២មានចំនួន១៤៧ករណី។ ក៏ប៉ុន្តែឆ្នាំ២០២៣នេះ សភាពធ្ងន់ធ្ងរជាងឆ្នាំកន្លងទៅ ដោយសារក្នុងចំណោមកុមារដែលឆ្លងជំងឺគ្រុនឈាម ១៤៣ករណីនោះ មាន២ករណីបានស្លាប់ (១ករណីនៅក្នុងឃុំអណ្តូងស្នាយ ស្រុករលាប្អៀរ និងម្នាក់ទៀតនៅក្នុងឃុំត្រងិល ស្រុកកំពង់លែង)។ ករណីគ្រុនឈាមលើកុមារនេះ បានកើតឡើងដំបូងគេនៅក្នុងស្រុកកំពង់លែងតែម្តង ហើយមកដល់ពេលនេះ គឺមានស្ទើរគ្រប់ស្រុកក្រុងទាំង៨ហើយ។

លោកបានបន្ថែមថា ចំពោះវិធីការពារ គឺមន្ទីរសុខាភិបាលខេត្តកំពង់ឆ្នាំង បានប្រកាសជូនដល់បងប្អូនប្រជាពលរដ្ឋជារៀងរាល់ថ្ងៃ អោយនាំគ្នាសម្អាតភូមិដ្ឋានអោយបានស្អាតជាប្រចាំ កុំអោយមានទឹកដក់នៅតាមសំបកកំប៉ុង ស្នោ សំបកកង់ម៉ូតូ ឡាន និងសម្ភារៈដែលដក់ទឹក ព្រោះជាជម្រក និងកន្លែងពងកូនរបស់មូសខ្លា។ ពេលដឹងថាកូនចៅបានឆ្លងជំងឺនេះហើយ ត្រូវប្រញាប់យកកូនចៅមកពិនិត្យព្យាបាលនៅមន្ទីរពេទ្យភ្លាមៗ។ ចំណែកមន្ត្រីមន្ទីរសុខាភិបាល នៅតែបន្តចែកជូនថ្នាំអាំប៊ែតជូនប្រជាពលរដ្ឋតាមមូលដ្ឋានដដែល៕