វិរសិល្បះករដ៏ល្បីល្បាញប្រចាំព្រះរាជាណាចក្រកម្ពុជា លោក ទេព រិនដារ៉ូ កាន់តែចាស់ កាន់តែល្បី

វិរសិល្បះករដ៏ល្បីល្បាញប្រចាំព្រះរាជាណាចក្រកម្ពុជា លោក ទេព រិនដារ៉ូ កាន់តែចាស់ កាន់តែល្បី។

មករា 2, 2024 03:51 807

ប្រិយមិត្តប្រាកដជាបានស្គាល់រួចមកហើយ លោកទេព រិនដារ៉ូ គឺជាតារាសម្តែងជើងចាស់ របស់ប្រទេសកម្ពុជាដែលមានឈ្មោះល្បីល្បាញ ៣ទស្សវត្សរ៍ជាងមកហើយ បច្ចុប្បន្ននេះ សង្កេតឃើញថា តារាសម្តែងជើងចាស់ លោកទេព រិនដារូ ទទួលបានការងារជាច្រើនដែលក្នុងនោះរួមមាន ស្ពតពានិជ្ជកម្ម ភាគយន្តខ្នាតធំល្បីៗ និងការសម្តែង Show ពិសេសរបស់លោក នៅក្នុងព្រឹត្តិការណ៍ធំៗផងដែរ ថ្មីៗនេះ ទស្សនិកជនបានឃើញ លោកទេព រិនដារ៉ូ បានសម្តែង Show ពិសេសមួយ ក្នុងព្រឹត្តិការណ៍ ខួបលើកទី25 នៃការបញ្ចប់សង្គ្រាមស៊ីវិលនៅកម្ពុជា និងការអនុវត្តប្រកបដោយជោគជ័យ នយោបាយ ឈ្នះ ឈ្នះ និងខួប5ឆ្នាំនៃការកសាងវិមានឈ្នះៗ ថ្ងៃទី 29 ខែធ្នូ ឆ្នាំ2023 ដែលនៅក្នុងព្រឹត្តិការណ៍នោះ លោក ទេព រិនដារ៉ូ បានសម្តែងជាតួរអង្គ ព្រះបាទជ័យវរ្មនទី7 មើលទៅពិតជាសក័សមបំផុត ជាមួយទេពកោសល្យសម្តែងរបស់លោក ហើយជាពិសេស លោកទេព រិនដារ៉ូ ក៏ត្រូវបានអ្នកសិល្បះទាំងជំនាន់មុន និងជំនាន់ក្រោយ ក៏ដូចជាក្រុមការងារផលិតខ្សែភាពយន្តភាគ និងភាពយន្តចាក់នៅរោងកុន ឬ ក្រុមហ៊ុន Media ផ្សេងៗទៀត បានកោតសរសើរ និងគោរពលោកជាខ្លាំង ចំពោះអត្តចរិក អកប្បកិរិយា និងការគោរពវិន័យ តួនាទីរបស់លោក ទេព រិនដារ៉ូ ផងដែរ។

ទោះជាលោកទេព រិនដារ៉ូ នាពេលបច្ចុប្បន្ន មានវ័យកាន់តែចាស់ពិតមែន ប៉ុន្តែសុខភាព និងរូបសម្រស់ របស់លោកនៅតែក្មេងជាងវ័យ ចំណែកឯការងារសិល្បះវិញ លោកទេព រិនដារ៉ូ នៅតែទទួលបានប្រជាប្រិយភាព មិនចាញ់តារាជំនាន់ថ្មីឡើយ៕