គីម ជុងអ៊ុន អះអាងថា កូរ៉េខាងជើងនឹងមានសុវត្ថិភាព ដោយសារតែមានអាវុធនុយក្លេអ៊ែរក្នុងដៃ

ទីក្រុងសេអ៊ូល៖ មេដឹកនាំកូរ៉េខាងជើងលោក គីម ជុងអ៊ុន បាននិយាយថា សង្រ្គាមនឹងមិនកើតឡើងទេទោះបីជាមានសម្ពាធពីខាងក្រៅ និងការគម្រាមកំហែងយោធាក៏ដោយ អាវុធនុយក្លេអ៊ែរធានានូវសុវត្ថិភាព និងអនាគតប្រទេសជាតិ។ លោក គីម បានបញ្ជាក់នៅក្នុងពិធីប្រារព្ធខួបលើកទី៦៧ នៃការបញ្ចប់សង្រ្គាមកូរ៉េនៅឆ្នាំ ១៩៥០-១៩៥៣។

កក្កដា 28, 2020 10:46 1790

 
Share
គីម ជុងអ៊ុន អះអាងថា កូរ៉េខាងជើងនឹងមានសុវត្ថិភាព ដោយសារតែមានអាវុធនុយក្លេអ៊ែរក្នុងដៃ
គីម ជុងអ៊ុន អះអាងថា កូរ៉េខាងជើងនឹងមានសុវត្ថិភាព ដោយសារតែមានអាវុធនុយក្លេអ៊ែរក្នុងដៃ

មេដឹកនាំកូរ៉េខាងជើងបន្ថែមថា ប្រទេសខ្លួនបានអភិវឌ្ឍន៍អាវុធនុយក្លេអ៊ែរដើម្បីទប់ស្កាត់ជម្លោះប្រដាប់អាវុធ ហើយឥឡូវនេះគេមានសមត្ថភាពការពារខ្លួនចំពោះការគម្រាមកំហែងផ្នែកយោធាពីកម្លាំងចក្រពត្តិនិយម។

សូមបញ្ជាក់ផងដែរថា លោក គីម ជុងអ៊ុន និងលោក ដូណាល់ ត្រាំ បានជួបគ្នាជាលើកដំបូងនៅប្រទេស សិង្ហបុរី កាលពីឆ្នាំ២០១៨ ដើម្បីបង្កើនលទ្ធភាពលុបបំបាត់កម្មវិធីនុយក្លេអ៊ែររបស់កូរ៉េខាងជើង ប៉ុន្តែ ការជួបគ្នាជាលើកទី២ នៅប្រទេសវៀតណាមធ្វើឲ្យកិច្ចចរចារវាងភាគីទាំងពីរមិនបានសម្រេចដោយសារតែខ្វែងគំនិតគ្នាផងដែរ៕

 

ប្រភព៖ CNA ប្រែសម្រួល៖ កង ស្រីលី​​ន

ពាក្យទាក់ទង: