[មានវីដេអូ] ស្ងាត់ៗតារាចំរៀងប្រចាំផលិតកម្ម Gold លោក អៀង វុត្ថា ធ្វើខួបកំណើត

ម្ចាស់បទ អាមោឃ តារាចំរៀងប្រចាំផលិតកម្ម Gold លោក អៀង វុត្ថា ដែលទើបតែបានប្រារព្ធពិធីខួបកំណើតគំរបខួប ២៧ឆ្នាំ ចូលវ័យ ២៨ឆ្នាំ កាលពីម្សិលមិញ នៅថ្ងៃទី ២០ ខែមករា ឆ្នាំ២០២១ ជាលក្ខណៈគ្រួសារ ប៉ុន្ដែគេសង្កេតឃើញថាមានតារាសិល្បៈមួយចំនួនក៏បានចូលរួមនឹងជូនពររូបលោកផងដែរ។

មករា 21, 2021 12:42 536

[មានវីដេអូ] ស្ងាត់ៗតារាចំរៀងប្រចាំផលិតកម្ម Gold លោក អៀង វុត្ថា ធ្វើខួបកំណើត

សូមជម្រាបផងដែរថា លោក អៀង វុត្ថា ចូលច្រៀងនៅផលិតកម្ម Gold ដោយបានចុះកុងត្រារយៈពេលមួយឆ្នាំ បើគិតមកទល់ពេលនេះរូបលោក៏ជិតផុតកុងត្រាក្នុងពេលឆាប់ៗផងដែរ ។ រយៈពេលមួយឆ្នាំដែលលោកធ្វើការនៅក្នុងផលិតកម្ម Gold រូបលោកមានចំរៀងជាច្រើនប្រមាណជាង ១០បទ ហើយបទដែលផ្ទុះការចាប់អារម្មណ៍ជាងគេមានដូចជាបទ “អាមោឃ” នឹង “បងមិនមែនជាធនាគារ” ។

សូមបញ្ជាក់ថា លោក អៀង វុត្ថា បានប្រឡូកចូលនៅក្នុងវិស័យសិល្បៈដំបូងចាប់តាំងពីឆ្នាំ ២០១៣ មកម្ល៉េះ ប៉ុន្ដែរូបលោកមិនបានប្រឡូកជាប់លាប់នោះទេគឺដោយសារតែរវល់។ សូមរម្លឹកថា បន្ទាប់ពីបានចូលប្រលងចំរៀងនៅក្នុងឆ្នាំ ២០១៧ ក្នុងកម្មវិធី Cambodia Idol Season 3 របស់ស្ថានីយ៍ទូរស្សន៍រស្មីហង្សមាស លោកមិនទទួលបានជោគជ័យទេ ប៉ុន្តែក្រោយមករូបលោកបែលជាមានការចាប់អារម្មណ៍ និងមានប្រជាប្រិយភាពខ្លាំង អំពីទឹកដមសំនៀងរបស់លោកដែលធ្វើឲ្យមានការ ល្បីល្បាញខ្លាំងមកទល់ពេលសព្វថ្ងៃ៕