ក្រសួងសុខាភិបាលបានដំណើរការវេបសាយ ប្រាប់ព័ត៌មានអំពីជំងឺកូវីដ១៩

ភ្នំពេញ៖បច្ចុប្បន្ននេះ ប្រព័ន្ធផ្សព្វផ្សាយពិតជាមានភាពសំបូរបែបណាស់ អ្នកអាចទទួលបានព័ត៌មានបានគ្រប់បណ្តាញមានដូចជា បណ្តាញសង្គម វេបសាយ និងសារព័ត៌មាននានា។ប៉ុន្តែដើម្បីតាមដានថាព័ត៌នោះពិត ឬអត់អ្នកត្រូវដឹងពីប្រភពអោយបានច្បាស់។

មិនា 31, 2020 04:41 2682

ក្រសួងសុខាភិបាល

ផ្អែកតាមព័ត៌មានដែលទទួលបានគឺថា៖អង្គការអ៊ីនស្តេត (InSTEED)បានធ្វើការជាមួយក្រសួងសុខាភិបាលនៃព្រះរាជាណាចក្រកម្ពុជា និងនាយកដ្ឋានប្រយុទ្ធនឹងជំងឺឆ្លង បានចងក្រងនូវគេហទំព័រមួយសម្រាប់ឲ្យប្រជាពលរដ្ឋងាយស្រួលក្នុងការតាមដានព័ត៌មានគួរឲ្យទុកចិត្តទាក់ទងនឹងជំងឺកូវីដ១៩(corvin-19)នៅកម្ពុជា។ដើម្បីតាមដានសូមចុះនៅទីនេះ https://covid19-map.cdcmoh.gov.kh/ ។

គេហទំព័រនេះ បានបង្ហាញព័ត៌មានលម្អិតអំពីជំងឺកូវីដ១៩ នៅកម្ពុជាដែលរួមមានប្រាប់អំពីចំនួនករណីឆ្លងជំងឺ COVID-19សរុប មានបង្ហាញអំពីករណីឆ្លងនៅតាមរាជធានី/ខេត្តនានា មានបង្ហាញជាផែនទីនៃការរាតត្បាតកូវីដនៅកម្ពុជា និងវីដេអូចំណេះដឹងអំពីកូវីដ១៩ ជាដើម។

យោងតាមគេហទំព័រខាងលើគិតត្រឹមថ្ងៃទី ៣១ ខែ មីនា ឆ្នាំ ២០២០ ចំនួនអ្នកកើតជំងឺកូវីដ១៩ នៅកម្ពុជាមានចំនួន ១០៩នាក់ (ថ្មី ២នាក់) អ្នកជាសះស្បើយ ២៣នាក់ អ្នកស្លាប់ គ្មាន៕

ដោយ៖ ជា បញ្ញា