សោកស្តាយខ្លាំងណាស់! តារាជើងចាស់ហុងកុងលោក Savio Tsang បាន...

ប្រិយមិត្តដែលនិយមរឿងភាគហុងកុងប្រាកដជាស្គាល់តារាសម្ដែងដ៏ល្បីឈ្មោះរបស់ស្ថានីយទូរទស្សន៍ TVB គឺលោក Savio Tsang ដែលបានទទួលដំណឹងថា តារាសម្តែងប្រុសជើងចាស់រូបនេះទទួលមរណភាពក្នុងវ័យ៥៨ឆ្នាំ ដោយសារជំងឺមហារីកសួត។

កក្កដា 17, 2021 09:11 1728

សោកស្តាយខ្លាំងណាស់! តារាជើងចាស់ហុងកុងលោក Savio Tsang បាន...

សូមជម្រាបថា តារាប្រុសជើងចាស់វ័យ ៥៨ឆ្នាំរូបនេះ បានប្រយុទ្ធនឹងជំងឺមហារីកសួត តាំងពីដើមឆ្នាំនេះមកម៉្លេះ ប៉ុន្តែលោកមិនធ្លាប់បង្ហាញជាសាធារណឲ្យបានដឹង ពីស្ថានភាពជំងឺរបស់លោកឡើយ ហើយថែមទាំងសន្និដ្ឋានខ្លួនឯងថា គ្រាន់តែជាបញ្ហាសួតបន្តិចបន្តួចប៉ុណ្ណោះ។
ជាអកុសល បន្ទាប់ពីទៅមន្ទីរពេទ្យ ក្រោយមកស្រាប់តែមានសេចក្តីរាយការណ៍ថា តារារូបនេះ បានស្លាប់បាត់បង់ជីវិតទៅហើយ ដោយសារជំងឺមហារីកសួត កាលពីថ្ងៃសុក្រសប្ដាហ៍មុន។ នេះបើតាមតារាស្រី Candy Man បញ្ជាក់តាមសារលើបណ្តាញសង្គមហ្វេសប៊ុកកាលពីពេលកន្លងទៅ។

គួរឲ្យដឹងថា លោក Tsang បានបង្ហាញខ្លួនជាលើកដំបូងក្នុងឆ្នាំ ១៩៨២ ជាមួយការនឹងការសម្តែងរឿង «នាគពីរសម្តែងរិទ្ធិ» ជាតួចិត្តអាក្រក់ និងបានចូលធ្វើការនៅស្ថានីយទូរទស្សន៍ TVB នៅ ឆ្នាំ១៩៩០ ហើយក៏ចាកចេញពី TVB នៅឆ្នាំ ២០១២ បន្ទាប់មកត្រឡប់មកចូលបំរើការវិញនៅក្នុងឆ្នាំ ២០១៥៕