[វីដេអូ] # Ep.53 លំហាត់ប្រាណសាមញ្ញ ៥យ៉ាងល្អបំផុតសម្រាប់សុខភាព

១ ហាត់ប្រាណក្នុងទឹក

ការហាត់ប្រាណបែបនេះភាគច្រើនមាននៅបណ្តាលប្រទេសអ៊ីរ៉ុប ជាលំហាត់ប្រាណដែលមានការពេញនិយម ចូលចិត្តហាត់ទាំងចាស់ទាំងក្មេង។លំហាត់ប្រាណនៅក្នុងទឹកគឺល្អសំរាប់អ្នកដែលមានជំងឺរលាកសន្លាក់ កាត់បន្ថយស្រ្តេស។ បន្ថែមពីនេះការហាត់ប្រាណនៅក្នុងទឹកជួយរក្សាទំងន់ជួយបន្សំុារាងកាយ បត់បែន និងជួយរក្សាតុល្យភាពនៅក្នុងរាងកាយ។ អ្នកអាចរត់ក្នុងទឹក  ឈរ បត់បែនឬ ចលនាផ្សេងៗបានផងដែរ។

២ Yoga លើកៅអី

យូហ្គាលើកៅអីគឺជាទំរង់នៃការធ្វើលំហាត់ប្រាណដែលមានឥទ្ធិពលទាបដែលធ្វើអោយប្រសើរឡើងនូវកម្លាំងសាច់ដុំ ការចល័តចុះឡើង បត់បែនតាមរាងកាយ។ ដំបូងអ្នកអង្គុយលើកៅអីលើកដៃ ឬជើងខាងស្តាំចេញពីឥដ្ឋហើយបង្វិលយឺត ៗ ៥ ដងទៅខាងស្តាំហើយ បន្ទាប់មក ៥ ដងទៅខាងឆ្វេង។ ការហាត់នេះជួយកាត់បន្ថយការតានតឹងលើសាច់ដុំសន្លាក់ឆ្អឹង ជួយឲ្យការគេងបានលក់ស្រួល និងការបន្ថយជំងឺធ្លាក់ទឹកចិត្ត ។

៣ Pilates

Pilates គឺជាទម្រង់នៃការធ្វើលំហាត់ប្រាណដែលមានឥទ្ធិពល ដែលបង្កើតឡើងកាលពីមួយសតវត្សរ៍មុន។ នៅក្នុងលំហាត់ប្រាណនេះផ្តោតលើការគ្រប់គ្រងការដកដង្ហើមដោយអង្គុយលើបាល់ដើម្បីជួយទប់លំនឹង។លំហាត់ប្រាណនេះជួយបង្កើនតុល្យភាព ធ្វើឲ្យអារម្មណ៍ស្រស់ស្រាយ។អ្នកអាច ធ្វើចលនាលើបាល់តិចៗ បោះជំហានទៅមុខយឺតៗរួចហើយលើកដៃ។

៤ ការដើរ

ទម្រង់នៃការធ្វើលំហាត់ប្រាណដែលមានស្ត្រេសតិចបំផុតគឺការដើរ។សម្រាប់មនុស្សវ័យចំណាស់ការដើរគឺ ជាលំហាត់ប្រាណមួយដ៏ល្អផងដែរ។ជាទូទៅសំរាប់អ្នកដែលមិនមានបញ្ហាសុខភាពអាចដើរបាន១០០០០ជំហានគឺជួយកាត់បន្ថយជំងឺបេះដូង ស្រ្តូក ជំងឺទឹកនោមផ្អែម និងជំងឺមហារីកពោះវៀនធំ។

៥ ពត់ក្បាលដល់ជង្គង់ទៅមុខ

នៅពេលអង្គុយសូមពង្រីកជើងខាងស្តាំរបស់អ្នកហើយចុចជើងខាងឆ្វេងចូលភ្លៅខាងស្តាំរបស់អ្នក។ បន្ទាប់មកតម្រឹមឆ្អឹងទ្រូងរបស់អ្នកជាមួយនឹងផ្នែកខាងស្តាំនៃជើង រួចហើយលើកដៃឡើងលើ។ បត់ជើងនៅត្រគាក បត់ទៅមុខដាក់ដៃលើដងខ្លួនដោយរក្សាជំហរនេះរហូតដល់ 1 នាទី។

បន្ទាប់មកផ្លាស់ប្តូរធ្វើម្តងទៀតនៅផ្នែកម្ខាងទៀត។ សូមជម្រាបថា លំហាត់ប្រាណនេះជួយដ៏សសៃបាតជើង ជួយឲ្យឈាមរត់បានស្រួល និងធ្វើឲ្យអារម្មណ៍ស្រស់ស្រាយ៕

ប្រភព: seniorlifestyle ដោយ: ជា បញ្ញា