Arsenal ត្រៀមបញ្ចប់កុងត្រាជាមួយ Willian មុនកាលកំណត់ ...

ក្រុមកាំភ្លើងធំ Arsenal កំពុងធ្វើកិច្ចព្រមព្រៀងដើម្បីបញ្ចប់កុងត្រារបស់ខ្សែបម្រើសញ្ញាតិ ប្រេស៊ីនដែលមានឈ្មោះថា Willian មុនកាលកំណត់ ។ នេះបើយោងតាមសារព័ត៌មាន BBC ដែលបានចុះផ្សាយកាលពីថ្ងៃទី ២៩ ខែសីហា ឆ្នាំ២០២១ កន្លងទៅ។

សីហា 30, 2021 04:47 852

 
Share
Arsenal ត្រៀមបញ្ចប់កុងត្រាជាមួយ Willian មុនកាលកំណត់ ...
Arsenal ត្រៀមបញ្ចប់កុងត្រាជាមួយ Willian មុនកាលកំណត់ ...
Arsenal ត្រៀមបញ្ចប់កុងត្រាជាមួយ Willian មុនកាលកំណត់ ...

គួររម្លឹកថា ការបញ្ចប់កិច្ចសន្យាមុនកាលកំណត់នេះអាចជួយសង្រ្គោះក្រុមកាំភ្លើងធំបានរាប់លានផោនខណៈដែលខ្សែបម្រើប្រេស៊ីលរូបនេះនៅសល់រយ:ពេល ២ឆ្នាំទៀតលើកិច្ចសន្យារយៈពេល ៣ឆ្នាំ ដែលត្រូវបានគេរាយការណ៍ថាមានតម្លៃជាង ២០ ម៉ឺនផោនក្នុងមួយសប្តាហ៍។

សូមជម្រាបថា Willian មានវ័យ ៣៣ ឆ្នាំដែលបានផ្លាស់ពីក្រុមតោខៀវ Chelsea ទៅចូលរួមជាមួយក្រុម Arsenal ដោយឥតគិតថ្លៃកាលពីរដូវក្តៅមុន។ បន្ថែមពីនេះ Willian ធ្លាប់មានវត្តមានចូលប្រកួតចំនួន ២៥ លើក និងស៊ុតបញ្ចូលទីបាន ១គ្រាប់ឲ្យ Asernal ផងដែរ ។

 

មុនពេលក្រុម Arsenal ចាញ់ក្រុម Manchester City ៥-០ កាលពីថ្ងៃសៅរ៍គ្រូបង្វឹកក្រុមកាំភ្លើងធំលោក Mikel Arteta បាននិយាយថាលោកមិនដឹងហេតុអ្វីបានជាពេលវេលារបស់ Willian នៅក្លឹបមិនទទួលបានជោគជ័យជាងនេះ។

 

គូរបញ្ជាក់ថា ការចរចាបញ្ចប់កុងត្រានឹងបន្តរវាងអ្នកតំណាងរបស់ក្រុម Arsenal និង Willian នៅថ្ងៃអង្គារនេះ៕

 

ប្រភព៖ BBC

ពាក្យទាក់ទង: