បឹងកេត ត្រូវ វិសាខា លុតយ៉ាងចាស់ដៃលើទឹកដីរបស់ខ្លួន

ការប្រកួតរវាងក្លឹបបាល់ទាត់ បឹងកេត និង វិសាខាបានប្រព្រឹត្តិទៅកាលពីរសៀលថ្ងៃសៅរ៍ ទី១១ ខែកញ្ញា ឆ្នាំ២០២១ វេលាម៉ោង ១៥:៣០ នៅកីឡដ្ឋាន Cambodia Airways ។

កញ្ញា 13, 2021 06:15 299

បឹងកេត ត្រូវ វិសាខា លុតយ៉ាងចាស់ដៃលើទឹកដីរបស់ខ្លួន

សូមបញ្ជាក់ថា បឹងកេត ទើបតែទទួលលទ្ធចាញ់ក្នុងផ្ទះយ៉ាងអាម៉ាស ខណៈវិសាខាបន្តឈរលើកំពូលតារាង បន្ទាប់ពីឈ្នះបឹងកេត ក្នុងលទ្ធផល ១ ទល់នឹង ៥ ។ វិសាខាធ្វើបានយ៉ាងល្អនៅតង់ទី១ ដោយធ្វើការវាយសម្រុកទៅលើម្ចាស់ផ្ទះ និងរកគ្រាប់បាល់បាន ៤គ្រាប់ ស៊ុតបញ្ចូលទីដោយកីឡាករ កែន ច័ន្ទសុភ័ក្ត្រ( 9’) កីឡាករ Warren (18’) កីឡាករ ច្រឹង ពលរដ្ឋ (29’) និងកីឡាករ Korede (45’+3) ។ លុះចូលមកដល់តង់ទី២ វិសាខារកបាន១គ្រាប់បន្ថែមទៀតដោយ កីឡាករ Warren (48’) តែបឹងកេតបានធ្វើការវាយបកបាន ១គ្រាប់វិញដោយ កីឡាករ Gopane (50’) ។ ចប់ការប្រកួតលទ្ធផលរបស់ក្រុមទាំងពីរ បឹងកេត ១-៥ វិសាខា ។

សូមរម្លឹកថា ៥ប្រកួតចុងក្រោយរវាងក្លឹបទាំង២ បឹងកេតឈ្នះ៣ វិសាខាឈ្នះ១ និងស្មើគ្នា ១ប្រកួត ។ លទ្ធផលបណ្តោះអាសន្នសម្រាប់ មិត្តហ្វូនខេមបូឌានលីគសប្តាហ៍ទី១៣ ក្លឹបវិសាខា ស្ថិតនៅកំពូលតារាងមាន ២៨ពិន្ទុ តាមពីក្រោយដោយ ភ្នំពេញក្រោនស្ថិតនៅចំណាត់ថ្នាក់លេខ ២ មាន ២៨ពិន្ទុដូចគ្នាតែចាញ់គ្រាប់បាល់ចំណេញ ចំណែក បឹងកេតស្ថិតនៅចំណាត់ថ្នាក់លេខ៤ មាន ២៤ពិន្ទុ៕

តារាងចំណាត់ថ្នាក់សប្តាហ៍ទី ១៣