Talk Ep.48 ប្រធានបទ៖ ជំងឺឫសដូងបាត

ពាក្យថាឫសដូងបាតគឺជំងឺដែលមានតាំងពីកើតមកម្ល៉េះ។ ឫសដូងបាតគឺជាកន្សោមដុំដែលនៅជិតកន្លែងស្តុកលាមក គេហៅឫសដូងបាត ហើយឫសដូងបាតនោះមិនទាន់បង្កជាជំងឺទេ។

សីហា 25, 2021 04:45 2148

រោគសញ្ញា

ជំងឺឫសដូងបាត គឹជាការលានចេញនូវសាច់ដុះចេញមកក្រៅ ឬនៅខាងក្នុង និងបត់ជើងមកមានឈាមជាដើម។ ចំពោះដុំសាច់ដុំនោះជួនកាលលានចេញចូល។

ការព្យាបាល

ជំងឺឫសដូងបាត គឺទាមទារឲ្យមានការពិនិត្យពីគ្រូពេទ្យជំនាញ។ វិធីសាស្រ្តព្យាបាល គឹមាន៣ប្រភេទ ទីមួយ គឺចងទៅលើដុំជំងឺឫសដូងបាត ទីពីរគឺចាក់ត្រង់ដុះសាច់ឫសដូអបាត ទីបីរគឺការវះកាត់។ សម្រាប់វីធីសាស្ត្រព្យាបាលដែលស្រួលជាងគេ គឺវិធីសាស្ត្រចងចំពោះឫសបាតមានទំហំតូច ប៉ុន្តែសម្រាប់ឫសដូងបាតដែលទំហំធំគឺមានតែការវះកាត់ប៉ុណ្ណោះ។

កត្តាប្រឈម

ជំងឺឫសដូងបាតភាគតិចណាស់ដែលប៉ះពាល់ដល់អាយុជីវិត ក៏ប៉ុន្តែគឺមានបញ្ហាធ្លាក់ឈាម។ បើសិនមានការបណ្ដែលបណ្ដោយយូរអាចនិងមានជំងឺមួយទៀតគឺជំងឺខ្វះគ្រាប់ឈាម។ សូមកុំមានការយល់ច្រឡំ ទៅលើទម្រង់លាមក ការប្រែប្រួលទម្រង់លាមកមិនបញ្ជាក់ថាមានជំងឺឫសដូងបាតនោះទេ។ ទម្រង់លាមកគឺប្រែប្រួលដោយសាររបបអាហាររបស់អ្នកបរិភោគរាល់ថ្ងៃតែប៉ុណ្ណោះ។

របបអាហារនិងការទទួលទានអាហារដែលត្រឹមត្រូវ

ជំងឺឫសដូងបាត ភាគច្រើនគឺមានបញ្ហាលាមកក្ដៀន ឬក៏បត់ជើងយូរ។ ដូចនេះអ្នកមិនគួរបត់ជើងយូរ ឬអង្គុយចំកុកច្រើនម៉ោងនៅក្នុងបន្ទប់ទឹកនោះទេ។ ចំណែកឯចំណីអាហារដែលគួរទទួលទាននោះគឺអ្នកគួរញុំាបន្លែឲ្យបានច្រើន ពីព្រោះបន្លែសំបូរទៅដោយជាហ្វៃប៊ឺ(កាកសរសៃ) ។

សារដ៏មានសារៈប្រយោជន៍

ឫសដូងបាតមិនមែនកើតឡើងដោយឯងៗនោះទេ គឹកើតឡើងដោយសារការបត់ជើងយូរឬលាមកក្ដៀន។ នៅពេលដែលមានបញ្ហាលាមកក្ដៀន គួរតែទទួលទានបន្លែបឲ្យបានច្រើន មួយវិញទៀតគួរតែទៅជួបគ្រូពេទ្យឲ្យទាន់ពេលវេលាដើម្បីស្វែងរកវិធីសាស្ត្រព្យាបាលឲ្យបានត្រឹមត្រូវជៀសវាងចំណាយថវិការខុសគោលដៅ៕