កុំសម្រកទម្ងន់ដោយវិធី៣យ៉ាងនេះឲ្យសោះ ប្រយ័ត្នគ្រោះថ្នាក់

ដើម្បីសម្រកទម្ងន់មានវិធីជាច្រើនណាស់សម្រាប់អ្នកធាត់ៗ ដើម្បីធ្វើការសម្រករាងឲ្យបានស្អាត ស្លៀកអីទៅក៏សម។ យ៉ាងណាក៏ដោយកុំជ្រើសយកវិធី ៣ ខាងក្រោមនេះដើម្បីសម្រករាងឲ្យសោះ បើទោះបី បានផលលឿនក៏ដោយតែវាប៉ះពាល់ដល់សុខភាពយើងខ្លាំងណាស់។

មេសា 15, 2020 06:48 3153

១- អត់អាហារពេលព្រឹក

អ្នកខ្លះចង់សម្រកគីឡូដោយអត់ញ៉ាំអាហារពេលព្រឹក មិនបានខ្វាយខ្វល់អំពីផលប៉ះពាល់ចំពោះសុខភាព។ មានដឹងអត់ពេលភ្ញាក់ពីគេង ខ្លួនយើងត្រូវការជាតិស្ករដើម្បីផ្តល់ទៅដល់ខួរក្បាល និងសាច់ដុំ នៅពេលអត់អាហារ ធ្វើឲ្យយើងកាន់តែឃ្លាន។ អ្នកដែលអត់ញ៉ាំអាហារពេលព្រឹកធ្វើឲ្យប៉ះពាល់ដល់ខួរក្បាល ចុះខ្សោយការចងចាំ អាចមានបញ្ហាជំងឺសរសៃឈាមបេះដូង និងដាច់សរសៃឈាមខួរក្បាល។

២- បង្អត់អាហារ

មនុស្សភាគច្រើនគិតថា ឲ្យតែអត់ញ៉ាំអីដឹងតែស្រកគីឡូលឿន ដូច្នេះម្នាក់ៗ ខំប្រឹងអត់អាហារ សំខាន់ទាំង៣ ពេល ដោយជំនួសមកវិញនូវការញ៉ាំបន្លែ ឬផ្លែឈើតិចតួចប៉ុណ្ណោះ។ វិធីមួយនេះគ្រោះថ្នាក់ខ្លាំងណាស់ចំពោះសុខភាព បើមិនញ៉ាំអាហារថាមពលសោះ រាងកាយនឹងចុះខ្សោយ បន្តិចម្តងៗ ប្រៀបបាននឹងចង្កៀងដែលជិតអស់ប្រេងអ៊ីចឹង។

៣- ប្រើថ្នាំសម្រកទម្ងន់

ដើម្បីឲ្យទម្ងន់ស្រកលឿន គ្នាយើងមួយចំនួន ពិសេសស្រីៗជ្រើសយកវិធីសម្រកទម្ងន់ដោយការប្រើថ្នាំ។ ថ្នាំសម្រករាងមានលក់ព្រោងព្រាតតាមអនឡាញ ដែលមួយចំនួនគ្មានការទទួលស្គាល់ដោយ ក្រសួង សុខាភិបាលនោះទេ ពេលយើងទិញយកមកញ៉ាំឃើញលទ្ធផលលឿនមែន តែវាប៉ះពាល់ដល់ សុខភាព នៅពេលក្រោយ ពេលខ្លះធ្វើឲ្យបាត់បង់ជីវិតក៏មាន។

បើចង់សម្រកទម្ងន់បានរាងស្អាត មិនប៉ះពាល់ដល់សុខភាព យើងគួរគិតគូរពីរបបអាហារ តើអាហារណាដែលធ្វើឲ្យយើងធាត់ កំណត់របបអាហារ តើញ៉ាំប៉ុន្មានល្អ និងព្យាយាមធ្វើលំហាត់ប្រាណអោយ បានទៀងទាត់៕

ប្រភព៖ hellokrupet ដោយ៖ ជា បញ្ញា