អ៊ីរ៉ង់ត្រៀមខ្លួនចរចារួចជាស្រេច ប្រសិនបើអាមេរិកសុំទោសចំពោះកតិកាសញ្ញានុយក្លេអ៊ែរ

ទីក្រុងឌូបៃ៖ ប្រធានាធិបតីអ៊ីរ៉ង់លោក ហាហ្ស៉ាន់ រូហានី បាននិយាយនៅថ្ងៃពុធនេះថា អ៊ីរ៉ង់នឹងបើកការ ជជែកគ្នាជាមួយសហរដ្ឋអាមេរិក បើសិនជារដ្ឋវ៉ាស៊ីងតោនព្រមសុំទោសចំពោះការចាកចេញពីកិច្ចព្រម ព្រៀងនុយក្លេអ៊ែរឆ្នាំ២០១៥ និងប្រគល់សំណងដល់ទីក្រុងតេអេរ៉ង់។ នេះបើតាមការចុះផ្សាយរបស់ទី ភ្នាក់ងារសារព័ត៌មាន Reuters។

មិថុនា 24, 2020 08:18 1389

 
Share
អ៊ីរ៉ង់ត្រៀមខ្លួនចរចារួចជាស្រេច ប្រសិនបើអាមេរិកសុំទោសចំពោះកតិកាសញ្ញានុយក្លេអ៊ែរ

លោកដូណាល់ត្រាំបានដកខ្លួនចេញពីកតិកាសញ្ញារវាងអ៊ីរ៉ង់ និងមហាអំណាចពិភពលោកចំនួន៦ នៅឆ្នាំ២០១៨ ហើយបានដាក់ទណ្ឌកម្មសារជាថ្មីដោយនិយាយថា កិច្ចព្រមព្រៀងនេះមិនគ្រប់គ្រាន់សម្រាប់ឲ្យមានកម្មវិធីមីស៊ីលរបស់តេអេរ៉ង់ និងឥទ្ធិពលក្នុងតំបន់នោះទេ។

លោក ហាហ្ស៉ាន់ រូហានី ក៏បាននិយាយទៀតថា អ៊ីរ៉ង់គ្មានបញ្ហាក្នុងការជជែកជាមួយអាមេរិកទេ បើសិនជាវ៉ាស៊ីងតោនព្រមបំពេញកាតព្វកិច្ចរបស់ខ្លួន ដោយសុំទោស និងផ្តល់សំណងឲ្យតេអេរ៉ង់ ចំពោះការ ដកខ្លួនចេញពីកិច្ចព្រមព្រៀងឆ្នាំ២០១៥៕

ប្រភព៖ Reuters, ប្រែសម្រួល៖ សុខ ច័ន្ទភារិទ្ធ

ពាក្យទាក់ទង: