តម្លៃប្រេងអាមេរិកធ្លាក់ចុះ ដោយសារការពន្យាពេលកិច្ចប្រជុំរបស់អង្គការ OPEC

សិង្ហបុរីៈ តម្លៃប្រេងបន្តធ្លាក់ចុះ នៅថ្ងៃពុធនេះដែលបានធ្វើឲ្យមានផលប៉ះពាល់ស្តុកប្រេងនៅសហរដ្ឋអាមេរិក ខណៈដែលអង្គការ OPEC និងប្រទេសជាសម្ព័ន្ធមិត្តបានពន្យារពេលកិច្ចប្រជុំជាផ្លូវការដើម្បីសម្រេចថាតើនឹងបង្កើនទិន្នផលនៅខែមករាឬក៏អត់។ នេះបើតាមការចុះផ្សាយរបស់សារព័ត៌មាន Reuters។

ធ្នូ 2, 2020 06:12 1350

តម្លៃប្រេងអាមេរិកធ្លាក់ចុះ ដោយសារការពន្យាពេលកិច្ចប្រជុំរបស់អង្គការ OPEC

ប្រេងឆៅប្រភេទ Brent នាពេលអនាគតនិងធ្លាក់ចុះ ២៧ សេនឬ ០,៦ ភាគរយនៅត្រឹម ៤៧,១៥ ដុល្លារក្នុងមួយបារ៉ែលនៅត្រឹម ០១៣១ GMT ខណៈប្រេងឆៅ West Texas Intermediate បានធ្លាក់ចុះ ២៩ សេនឬ ០,៧ ភាគរយនៅត្រឹម ៤៤,២៦ ដុល្លារ។

បើតាមទិន្នន័យឧស្សាហកម្មពីវិទ្យាស្ថានប្រេងអាមេរិកបានបង្ហាញថាស្តុកប្រេងឆៅនៅសហរដ្ឋអាមេរិកបានកើនឡើង ៤,១ លានបារ៉ែលកាលពីសប្តាហ៍មុនបើប្រៀបធៀបទៅនឹងការរំពឹងទុករបស់អ្នកវិភាគថាទទួលបានប្រេងចំនួន ២,៤ លានបារ៉ែល។

ចំនួនប្រេងបានកើតឡើងបន្ទាប់ពីអង្គការនៃប្រទេសនាំប្រេងចេញ (OPEC) ប្រទេសរុស្ស៊ីនិងប្រទេសសម្ព័ន្ធមិត្តផ្សេងៗទៀតដែលត្រូវបានគេស្គាល់ថាជាអង្គការ OPEC បានពន្យារពេលកិច្ចពិភាក្សាស្តីពីគោលនយោបាយប្រេងសម្រាប់ឆ្នាំក្រោយ ។

សូមជម្រាបថា កាលពីដើមឆ្នាំនេះក្រុមហ៊ុនប្រេង បានកាត់បន្ថយការផលិតចំនួន ៧,៧ លានបារ៉ែលក្នុងមួយថ្ងៃ ខណៈដែលមានការរាតត្បាតមេរោគកកូវីដ-១៩ ធ្វើឲ្យតំរូវការប្រេងទាប ហើយប្រេងត្រូវបានគេរំពឹងថានឹងបន្តធ្លាក់ចុះនៅក្នុងខែមករាទៅដល់ខែមីនាឆ្នាំ ២០២១៕