Google Chrome, Microsoft Edge បានផ្អាកការធ្វើបច្ចុប្បន្នភាព (Update) លើកម្មវិធីដោយសារតែមេរោគឆ្លងកូរ៉ូណា

ក្រុមហ៊ុន Google បាននិយាយកាលពីថ្ងៃពុធថា ខ្លួននឹងពន្យាពេលការធ្វើបច្ចុប្បន្នភាពលើកម្មវិធី Chrome ដែលមាននៅលើ web browser ដោយសារតែការឆ្លងរីករាលដាលនៃវីរុសថ្មីនេះ រីឯក្រុមហ៊ុន Microsoft វិញ ក៏បាននិយាយកាលពីថ្ងៃសុក្រថា ខ្លួននឹងធ្វើការពន្យាការបច្ចុប្បន្នភាពលើកម្មវិធីដូចគ្នាដែរ។

មិនា 23, 2020 04:10 1592

Google Chrome, Microsoft Edge បានផ្អាកការធ្វើបច្ចុប្បន្នភាព (Update) លើកម្មវិធីដោយសារតែមេរោគឆ្លងកូរ៉ូណា

ក្រុមហ៊ុន Google

ក្រុមការងាររបស់ Chrome បាននិយាយនៅក្នុងប្លក់ (blog) របស់ខ្លួនថា“ដោយសារតែត្រូវកែសម្រួលកាលវិភាគការងារនៅពេលនេះ យើងកំពុងផ្អាកការចេញផ្សាយ Chrome និង Chrome OS ដែលនឹងមកដល់នាពេលខាងមុខនេះ“។ ក្រុមហ៊ុន Google បានបន្ថែមទៀតថា Google និងបន្តការធ្វើបច្ចុប្បន្នភាពលើប្រពន្ធ័សុវត្ថិភាពលើ Chrome នាពេលថ្មីៗនេះនៅជំនាន់ 80។

រីឯកម្មវិធី Microsoft Edge ថ្មីវិញរបស់ក្រុមហ៊ុន Microsoft ដែលពឹងផ្អែកលើក្រូមីញ៉ូម (Chromium) ជាកម្មវិធីបើកចំហររបស់ Google ដែលមាននៅលើ Chrome ហើយឥឡូវនេះក៏ត្រូវបានផ្អាកផងដែរ។ ក្រុមហ៊ុន Microsoft នឹងចេញផ្សាយការធ្វើបច្ចុប្បន្នភាពសុវត្ថិភាពទៅនឹងជំនាន់ដែលមានស្រាប់រួមជាមួយការធ្វើបច្ចុប្បន្នភាពអោយបានទៀងទាត់ចំពោះ Edge beta និងការធ្វើកំណែសាកល្បងដទៃទៀតផងដែរ។នេះបើតាមប្រសាសន៍លោក Kyle Pflug ជាអ្នកគ្រប់គ្រងផលិតផល Edge របស់ក្រុមហ៊ុន Microsoft៕