មិនចាញ់បងប្រុស! ម៉ុង ម៉ានុត ទទួលបានប្រជាប្រិយភាពខ្លាំងបន្ទាប់ពីចេញបទចម្រៀងថ្មី

តារាចម្រៀងវ័យក្មេង លោក ម៉ានុត បានបង្ហាញវត្តមានដំបូងជាតួរអង្គកុមារីក្នុងរឿង " កុមារី២៥ឆ្នាំ"ដែលជារឿងនិពន្ធនិងដឹកនាំដោយលោកស្រី ពាន់ ភួងបុប្ផា ។ ក្រោយមក ម៉ុង ម៉ានិត ក៏បានច្រៀងបតចម្រៀង Original Song និង Cover នៅលើបណ្ដាញសង្គមហ្វេសប៊ុក ធ្វើឲ្យទទួលបានការចាប់អារម្មណ៍យ៉ាងខ្លាំងពីសំណាក់មហាជន។

សីហា 27, 2021 04:06 1159

មិនចាញ់បងប្រុស! ម៉ុង ម៉ានុត ទទួលបានប្រជាប្រិយភាពខ្លាំងបន្ទាប់ពីចេញបទចម្រៀងថ្មី

ស្រាប់តែថ្មីៗនេះ លោកបានបកស្រាយបទថ្មីមួយទៀតក្នុងរឿង " កុមារី២៥ឆ្នាំ វគ្គ៣"។
យ៉ាងណាមិញ ក្រោយពីបាត់មុខមួយរយៈពីវិស័យចម្រៀងពេលនេះស្រាប់តែលោក ម៉ុង ម៉ានុត បញ្ចេញបទចម្រៀងស្នាដៃថ្មីរបស់ខ្លួនជាលើកដំបូង ដោយមានការគាំទ្រយ៉ាងខ្លាំងពីសំណាក់មហាជន ដោយបទនោះមានចំណងចជើងថា "លំហ"។
ទើបតែបញ្ចេញលើ YouTube បានត្រឹម៣ថ្ងៃសោះបទចម្រៀងតារាប្រុសរូបនេះ មានការទស្សនារហូតដល់ ៣០K ឯណោះ រីឯក្នុងហ្វេសប៊ុកវិញ មានចំនួនអ្នកទស្សនារហូតដល់ ៣៤K។
ទង្ទឹងនឹងនេះ លោកសប្បាយចិត្តយ៉ាងខ្លាំងថែមទាំងបានបង្ហាញចំណាប់អារម្មណ៍ផងដែរថា" «អរគុណ»
ខ្ញុំ.. ខ្ញុំរកអ្វីនិយាយមិនចេញនោះទេ…
ខ្ញុំចង់អរគុណដល់អ្នកទាំងអស់គ្នា ខ្ញុំមិននឹកស្មាននោះទេថាអ្នកទាំងអស់គ្នាស្រឡាញ់ «លំហ» ស្មើនឹងខ្ញុំដែរនោះទេ។ ខ្ញុំបានអានសារទាំងអស់ដែលអ្នកទាំងអស់គ្នាផ្ញើមក។ អរគុណណាស់។ ខ្ញុំចង់អរគុណដល់បងៗសិល្បៈករដែលជាររៀមច្បងជាពិសេសគឺបងប្រុស ម៉ុង ម៉ានិត ដែលបានគាំទ្រនិងលើកទឹកចិត្តខ្ញុំសម្រាប់ការចេញចម្រៀងលើកដំបូងនេះ។ ខ្ញុំនឹងចងចាំទុកក្នុងបេះដូងជារៀងរហូត។ ខ្ញុំក៏ចង់អរគុណដល់មិត្តថ្មីៗដែលខ្ញុំបានស្គាល់ដោយសារបទ «លំហ» នេះដែរ។ អរគុណដល់បងៗ និងមិត្តៗជិតស្និទ្ធខ្ញុំទាំងអស់ ជាពិសេស ធូ ដាណុច ដែលព្រមជួយខ្ញុំគ្រប់រឿង។ ខ្ញុំអរគុណដល់មេបំណុលធំៗគឺ បងស្រី ម៉ាក់ និងប៉ា ។ ការស្វាគមន៏មួយនេះពិតជាកក់ក្ដៅណាស់"៕