ហ៊ិន ចាន់និរ័ត្ន រំភើបខ្លាំងពេលក្លាយជាម្ចាស់ជ័យលាភីពានរង្វាន់ Freshie គំរូ

កាលពីថ្ងៃទី ២៦ ខែសីហា ឆ្នាំ២០២១ កន្លងទៅគឺជាការប្រកួតប្រជែង Freshie Boy & Girl ផ្តាច់ព្រ័ត្រ ចំពោះ កម្មវិធីប្រកួតប្រជែងសម្រស់ ប្រុសស្អាត ស្រីស្អាត គឺជាកម្មវិធីដែលមានប្រជាប្រិយក្នុងស្រុក អស់ពេល២០ឆ្នាំមកហើយ ទន្ទឹមនឹងនេះ ដើម្បីអបអរសាទរ ការដំណើរការ២០ឆ្នាំនោះ ការប្រកួតប្រជែងនេះ បានដាក់បន្ថែមនូវ ការប្រកួតប្រជែងពានរង្វាន់កិត្តិយស Hall of Fame ដោយធ្វើ ការជ្រើសរើសយក ម្ចាស់ជ័យលាភី Freshie Boy & Girl គ្រប់ជំនាន់យកមកប្រកួត។

សីហា 28, 2021 06:23 2234

ហ៊ិន ចាន់និរ័ត្ន រំភើបខ្លាំងពេលក្លាយជាម្ចាស់ជ័យលាភីពានរង្វាន់ Freshie គំរូ

សូមជម្រាបថា នៅថ្ងៃប្រកួតផ្តាច់ព្រ័តនៃការប្រកួត Freshie Boy & Girl កាលពីយប់នោះ ចំពោះការប្រកាសលទ្ធផលនៃពានរង្វាន់ Freshie គំរូក៏រកឃើញហើយម្ចាស់ជ័យលាភី បានទៅលើ ពិធីការិនីល្បីដ៏ស្រស់ស្អាតគឺ កញ្ញា ហ៊ិន ច័ន្ទនីរ័ត្ន។
យ៉ាងណាមិញ បណ្តាអ្នកគាំទ្រ និងមហាជនជាច្រើន បានផ្ទុះការចាប់អារម្មណ៍ ជាខ្លាំង ក្នុងការរៀបចំតុបតែងរបស់ ពិធីការិនីរូបនេះ នារាត្រីយប់នោះ គឺពិតជា ស្រស់ស្អាត ទាក់ទាញតែម្តង ក្នុងឈុតរាត្រី តុបតែងសាមញ្ញ កញ្ញា ហ៊ិន ច័ន្ទនីរ័ត្ន ពិតជាស្រស់ស្អាតបែបធម្មជាតិ សាកសមជា ម្ចាស់ពាន Freshie គំរូខ្លាំងណាស់។

បន្ថែមពីនេះកញ្ញាក៏បានបញ្ចេញអារម្មណ៍ថា“អារម្មណ៍មួយដែលរំភើបនិងធ្វើឲ្យនឹកឃើញអតីតកាល មកដល់ពេលនេះបើនិយាយពីបទពិសោធន៍គឺច្រើនគួរសម ពានរង្វាន់ Hall of fame មួយនេះគឺបានពីការគាំទ្ររបស់ fan គ្រប់រូបដែលស្រលាញ់នឹងចូលចិត្តនាងខ្ញុំ អរគុណដែលបានផ្តល់ក្តីស្រលាញ់មួយនេះ នាងខ្ញុំនឹងចងចាំទុកជារៀងរហូត
អរគុណ Freshie Cambodia ដែលបានផ្តល់កិត្តិយសក្នុងកម្មវិធីនេះសារជាថ្មី
Love you so much all my fan “៕