មិនធ្លាប់ដឹងសោះ MGC2021 ប៉ូគឹមថេង សុតធី ធ្លាប់ជាតួឯកស្រីសម្ដែងជាមួយតួឯកប្រុសសង្ហាឡាវ Paing Takhon

ជារឿងដែលមិននឹកស្មានដល់ដែលប្រិយមិត្តមិនច្រើនទេបានដឹងពីបវរកញ្ញាឯក Miss Grand Cambodia 2021 ប៉ូគឹមថេង សុតធី កន្លងមកកញ្ញាគឺជាតួឯកស្រីក្នុងភាពយន្ដខ្នាតធំកម្ពុជាដែលរួម សម្ដែងជាមួយតួឯកប្រុសសង្ហាឡាវ Paing Takhon។

តុលា 14, 2021 08:46 1848

មិនធ្លាប់ដឹងសោះ MGC2021 ប៉ូគឹមថេង សុតធី ធ្លាប់ជាតួឯកស្រីសម្ដែងជាមួយតួឯកប្រុសសង្ហាឡាវ Paing Takhon

ក្រៅពីជោគជ័យផ្ទួនៗក្នុងវិស័យដើរម៉ូដ បវរកញ្ញាឯក MGC2021 ក៏ជាតារាសម្ដែងមួយ រូបផងដែរ។ លើសពីនេះតារាម៉ូដែល ខ្ពស់ស្រឡះរូបនេះថែមទាំងធ្លាប់មានឱកាសរួមសម្ដែងជាមួយ Paing Takhon ដែលជាតារាសម្ដែងល្បីឈ្មោះប្រចាំប្រទេសមីយ៉ាន់ម៉ា ដោយអ្នកទាំងពីរគឺជាតួឯក ប្រុសស្រីក្នុងភាពយន្ដខ្នាតធំរបស់កម្ពុជា”ជញ្ជាំងក្រហម”ដែលផលិតឡើងដោយក្រុមហ៊ុន LD Picture Production។

ភាពយន្ដខ្នាតធំនេះបានចាប់ផ្ដើមផលិតកាលពីឆ្នាំ២០២០ ប៉ុន្តែដោយសារតែបញ្ហាកូវីដ-19 រាលត្បាតជាសកលទើបធ្វើឱ្យភាពយន្ដមួយនេះបន្តអូស បន្លាយមិន ទាន់ចេញជាផ្លូវការ។ មួយវិញទៀតដោយសារតែប្រទេសមីយ៉ាន់ម៉ា មានបញ្ហាជម្លោះ ក្នុងផ្ទៃប្រទេស ទើបធ្វើឱ្យ Paing Takhon ត្រូវបានគេចាប់ខ្លួនទើបរអាក់រអួក្នុងការផលិត។
បើទោះជាយ៉ាងនេះក្ដីប្រិយមិត្ត ក៏នៅតែទន្ទឹងរង់ចាំនូវស្នាដៃល្អឯករបស់ស្រីស្អាត ធីតា និង Paing Takhon ក្នុងភាពយន្ដ”ជញ្ជាំងក្រហម”។ រម្លឹកផងដែរថាស្រីស្អាត ធីតា អាចនិយាយ បានរហូតដល់ទៅ៣ភាសារួមមាន អង់គ្លេស ថៃ ហើយកញ្ញាក៏និយាយភាសាមីយ៉ាន់ម៉ា(ឡាវ) បានយ៉ាង ស្ទាត់ជំនាញផងដែរ ទើបជាហេតុធ្វើឱ្យកញ្ញាមានឱកាសបញ្ចេញស្នាដៃជាមួយ Pang Takhon បូកផ្សំ ទេពកោសល្យសម្ដែងរបស់កញ្ញា៕