លោកស៊ី ជិនពីង ចាត់ទុកសេដ្ឋកិច្ចដ៏ធំរបស់ចិនជាមូលដ្ឋានពាណិជ្ជកម្មសេរីនៅក្នុងសុន្ទរកថា APEC

គូឡាឡាំពួៈ ប្រធានាធិបតីចិន លោកស៊ី ជិនពីង បានចាត់ទុកប្រទេសចិនជាចំណុចស្នូលសម្រាប់ពាណិជ្ជកម្មសេរីជាសកល ដោយប្តេជ្ញារក្សាសេដ្ឋកិច្ចដ៏មានទំហំធំរបស់ចិនឲ្យបើកចំហនិងព្រមានប្រឆាំងនឹងការគាំពារ សេដ្ឋកិច្ចជាសកលដែលបានរីករាលដាលដោយជំងឺរាតត្បាតវីរុសកូវីដ-១៩ ។នេះបើតាមការចេញផ្សាយដោយសារព័ត៌មាន CNA។

វិថ្ឆិកា 19, 2020 07:33 1885

លោកស៊ី ជិនពីង ចាត់ទុកសេដ្ឋកិច្ចដ៏ធំរបស់ចិនជាមូលដ្ឋានពាណិជ្ជកម្មសេរីនៅក្នុងសុន្ទរកថា APEC

នៅក្នុងការចុះហត្ថលេខាលើកតិកាសញ្ញាពាណិជ្ជកម្មធំជាងគេបំផុតនៅលើពិភពលោកកាលពីចុងសប្តាហ៍កន្លងទៅ លោកស៊ី ជិនពីង បាននិយាយថាអាស៊ីប៉ាស៊ីហ្វិកគឺជាការឈានមុខគេក្នុងការជំរុញកំណើនសេដ្ឋកិច្ចពិភពលោក បើទោះបីជារងការវាយប្រហារដោយ "បញ្ហាប្រឈមជាច្រើន" រួមទាំងវីរុសកូវីដ-១៩ផងដែរ។

លោកបានប្តេជ្ញាថា បើកចំហពាណិជ្ជកម្មចិននិងបដិសេធរាល់ការធ្លាក់ចុះនៃសេដ្ឋកិច្ចរបស់ប្រទេសចិន ដែលបានធ្វើឱ្យប្រទេសចិនមានបញ្ហាពន្ធនិងបច្ចេកវិទ្យា ចំពោះគោលនយោបាយពាណិជ្ជកម្មដែលបានបង្កឡើងដោយប្រធានាធិបតីសហរដ្ឋអាមេរិកលោកដូ ណាល់ត្រាំ។

សូមជំរាបថា លោកស៊ី ជិនពីង បាននិយាយនៅក្នុងសុន្ទរកថា ដោយថ្លែងតាមរយៈវីដេអូថា "យើងនឹងកាត់បន្ថយពន្ធនិងថ្លៃដើម និងពង្រីកការនាំចូលផលិតផលនិងសេវាកម្មឲ្យមានគុណភាពខ្ពស់ពីប្រទេសទាំងអស់" ។

សូមបញ្ជាក់ថា វេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ត្រូវបានធ្វើឡើងតាម online នៅក្នុងឆ្នាំនេះដោយសារតែការរីករាលដាលនៃជំងឺឆ្លងវីរុសកូវីដ-១៩ ដោយមានប្រទេសចំនួន ២១ នៅតំបន់ប៉ាស៊ីហ្វិករួមទាំងប្រទេសដែលមានសេដ្ឋកិច្ចធំជាងគេនៅលើពិភពលោកដែលមានប្រហែល ៦០ ភាគរយនៃ GDP សកល៕

ប្រភព: CNA ដោយ: ជា បញ្ញា