ក្រៅពីផ្លែក្រូច តើនៅមានបន្លែ ឬផ្លែឈើអ្វីខ្លះដែលមានផ្ទុកវីតាមីនC?

វីតាមីន C គឺជាសារធាតុចិញ្ចឹមដ៏សំខាន់ដែលរាងកាយត្រូវការ។ វីតាមីននេះអាចជួយឲ្យរាងកាយបង្កើតកោសិកាឡើងវិញ ជួយដល់ ប្រព័ន្ធភាពស៊ាំ និងជួយឲ្យរាងកាយក្នុងការស្រូបយកជាតិដែក។

មេសា 20, 2020 03:01 4734

ក្រៅពីផ្លែក្រូច តើនៅមានបន្លែ ឬផ្លែឈើអ្វីខ្លះដែលមានផ្ទុកវីតាមីនC?

មនុស្សភាគច្រើនបានដឹងហើយថា ផ្លែក្រូចសំបូរទៅដោយវីតាមីន C ទន្ទឹមនឹងនេះក៏មានបន្លែ ឬផ្លែឈើផ្សេងៗទៀតជាច្រើនដែលមានផ្ទុកវីតាមីន C មានដូចជា:

១. ម្ទេស ៩០ក្រាមមានវីតាមីន C ១០៧,៨មីល្លិក្រាម។ អ្នកស្រាវជ្រាវពីសាកលវិទ្យាល័យ Buffalo បានរកឃើញទៀតថាសារធាតុ capsaicin ដែលផ្តល់ជាតិហឹរដល់ម្ទេសអាចជួយបំបាត់អាការៈឈឺចាប់នៅសន្លាក់ និងសាច់ដុំ។

២. ម្ទេសប្លោកពណ៌ក្រហម ហាន់រួច ១៧៥ ក្រាម មានផ្ទុកវីតាមីន C ច្រើនជាងផ្លែក្រូចបីដងស្មើនឹង ១៩០មីល្លិក្រាម ហើយម្ទេសប្លោកនេះក៏សំបូរដោយវីតាមីន A ដែលជួយដល់ភ្នែកផងដែរ។

៣. ម្ទេសប្លោកបៃតង ហាន់រួច ១៧៥ក្រាម មានវីតាមីន C ១២០មីល្លិក្រាមដែលតិចជាងម្ទេសប្លោកក្រហម តែម្ទេសប្លោកបៃតងផ្ដល់វីតាមីន C ២០០%សម្រាប់តម្រូវការប្រចាំថ្ងៃ ហើយក៏សំបូរដោយជាតិសរសៃផងដែរ។

៤. ផ្កាខាត់ណាខៀវ ផ្ដល់វីតាមីន C ១៣២មីល្លិក្រាម រួមជាមួយនឹងជាតិសរសៃ។ បន្លែនេះក៏មានកាឡូរីទាបដែរ។ ការសិក្សាបានបង្ហាញថាផ្កាខាត់ណាខៀវអាចការពារពីជំងឺមហារីក។

៥.ផ្កាខាត់ណា តូចមួយមានវីតាមីន C ១២៧,៧មីល្លិក្រាម ជាតិសរសៃ ៥ក្រាម និងប្រូតេអ៊ីន ៥ក្រាម។ យើងអាចញ៉ាំឆៅ ចំហុយ ឬចម្អិនជាមួយប្រេងអូលីវក៏បាន។

៦. ដំឡូងបារាំង ដុតមួយមានវីតាមីន C ប្រហែល ២០មីល្លិក្រាម។ ដំឡូងបារាំងក៏ជាប្រភពនៃប៉ូតាស្យូម និងជាតិសរសៃ។ ជំនួសឲ្យយកទៅបំពង គួរយកទៅដុតជាមួយប្រេងអូលីវវិញប្រសើរជាង។

៧. ផ្លែល្ហុង មួយប្រហែល ១៤៥ក្រាមផ្តល់វីតាមីន C ប្រហែល ៩០មីល្លិក្រាម។ ក្រៅពីវីតាមីន C វាក៏សំបូរទៅដោយ carotene flavonoid វីតាមីន B Folate ប៉ូតាស្យូម ម៉ាញ៉េស្យូម និងជាតិសរសៃដែលធ្វើមានប្រយោជន៍ដល់បេះដូង និងអាចការពារជំងឺមហារីកពោះវៀនធំ។

៨. ផ្លែស្ត្របឺរី ប្រហែល ១៤៤ក្រាមមានវីតាមីន C ៨៤,៧មីល្លិក្រាម ហើយក៏មានសារធាតុផ្សេងៗដូចជា Folate ដែលជួយដល់បេះដូង។ ផលប្រយោជន៍មួយទៀតគឺអាចជួយធ្វើឲ្យធ្មេញសតាមបែបធម្មជាតិ។

៩. ផ្លែម្នាស់ ១៦៥ក្រាមផ្តល់វីតាមីន C ៧៨,៩មីល្លិក្រាម ហើយផ្លែម្នាស់មានអង់ស៊ីម bromelain ដែលជួយបំបែកអាហារ និងកាត់បន្ថយអាការៈហើមពោះ។ លើសពីនេះទៀត bromelain ជាសារធាតុប្រឆាំងការរលាកយ៉ាងល្អដែលអាចជួយដល់រាងកាយក្រោយពេលហាត់ប្រាណ។

១០. ផ្លែស្វាយ មួយផ្លែមានវីតាមីន C ១២២,៣មីល្លីក្រាម ហើយក៏សំបូរវីតាមីន A ផងដែរ។ វីតាមីន A ក៏ដូចវីតាមីន C ដែលមានតួនាទីសំខាន់ក្នុងការពង្រឹងប្រព័ន្ធភាពស៊ាំ និងជួយដល់ភ្នែក។