ស្តេចប្រដាល់ ម៉ៃថៃសាន់ ប្រាប់ពីរឿងរ៉ាវ ដែលអ្នករាល់គ្នានឹកស្មានមិនដល់

បរទេស៖ លោក ម៉ៃថៃសាន់ កំពូលកីឡាករប្រដាល់ទម្ងន់ធ្ងន់ មានឈ្មោះបោះសម្លេង និងជាជើងឯកពិភពលោកមួយរូប ថែមទាំងជាមនុស្សដ៏អស្ចារ្យ ដែលពិភពលោកទទួលស្គាល់ផងដែរ។

មេសា 23, 2020 06:19 1661

ស្តេចប្រដាល់ ម៉ៃថៃសាន់ ប្រាប់ពីរឿងរ៉ាវ ដែលអ្នករាល់គ្នានឹកស្មានមិនដល់

ក្រោយពីភាពជោគជ័យនៅលើសង្វៀនប្រដាល់លោក ម៉ៃថៃសាន់ ក៏បានភ្លក្សរសជាតិជីវិតយ៉ាងឆ្អែតឆ្អន់ផងដែរ រាប់ចាប់តាំងពី គ្រឿងញៀន ពន្ធនាគារ រឿងរ៉ាវផ្លូវភេទ និងការវាយប្រហារជាដើម។ នេះបើតាមការចុះផ្សាយរបស់សារព័ត៌មាន Marca។

ស្តេចប្រដាល់រូបនេះធំដឹងក្តីឡើងនៅតំបន់ក្រីក្រដែលជាតំបន់មួយនៃទីក្រុងញូយ៉កសហរដ្ឋអាមេរិក ហើយឧក្រិដ្ឋកម្មបានក្លាយជាផ្នែកមួយនៃឆាកជីវិតរបស់គាត់តាំងពីគាត់នៅក្មេងមកម៉្លេះ។ ជាងនេះលោកថែមទាំងធ្លាប់បានជាប់ពាក់ព័ន្ធនឹងអំពើហិង្សា គ្រឿងញៀន គ្រឿងស្រវឹង ហើយធ្លាប់ជនពាល ប្រើប្រាស់កាំភ្លើងបាញ់បោះដោយសេរី និងធ្លាប់រងការបាញ់ប្រហារផងដែរ។

ថ្វីត្បិតវាជាអ្វីដែលអ្នករាល់គ្នាសឹងតែមិនដែលបានលឺទាល់តែសោះ និងនឹកស្មានមិនដល់ ប៉ុន្តែទោះជាយ៉ាងណាក៏ដោយ ក៏ស្តេចប្រដាល់ ម៉ៃថៃសាន់ ធ្លាប់បានសារភាពហើយដែរថា គាត់ត្រូវបានគេរំលោភបំពានទាំងផ្លូវកាយ និងផ្លូវភេទក្នុងអំឡុងពេលកុមារភាពរបស់គាត់ទៀតផង។

លើសពីនេះទៅទៀត ជើងឯកពិភពលោក ដែលធ្លាប់ជាមនុស្សញៀនថ្នាំមួយរូបនេះ ក៏ធ្លាប់ត្រូវបានគេបញ្ជូនទៅពន្ធនាគារកាលពីឆ្នាំ១៩៩២ ដោយសារគាត់បានចាប់រំលោភនារីអាយុ១៨ឆ្នាំ កញ្ញា Desiree Washington ដែលជាតារាភាពយន្តអាមេរិក។ លោក ម៉ៃថៃសាន់ ក៏ធ្លាប់បង្ហើបឲ្យដឹងថា គាត់ជាម្ចាស់ដំណាំកញ្ឆា Marijuana ដែលដំណាំកញ្ឆាទាំងនោះ គឺជាដំណាំស្របច្បាប់នៅក្នុងរដ្ឋកាលីហ្វរញ៉ា៕