កម្មវិធីក្នុងទិវាអំណាន នឹងប្រារព្ធឡើងក្នុងទីធ្លា ODOM GARDEN នៅថ្ងៃទី ២៦ ខែមីនា ឆ្នាំ២០២២

អំណានឮៗ (READ LOUDER) គឺជាកម្មវិធីក្នុងទិវាអំណាន ប្រារព្ធឡើងក្នុងទីធ្លា ODOM GARDEN នៅថ្ងៃទី ២៦ ខែមីនា ឆ្នាំ២០២២ ចាប់ពីម៉ោង ៩ ព្រឹក ដល់ម៉ោង ៥ រសៀល។ អំណានឮៗ (READ LOUDER) ធ្វើឡើងក្នុងគោលបំណងលើកកម្ពស់វប្បធម៌អានសម្រាប់កុមារ យុវជន សិស្សានុសិស្ស និងលើកទឹកចិត្តឲ្យឳពុកម្តាយ ដែលមានកូនតូចៗ ចាប់ផ្តើមអានទៅដល់កូនៗតូចរបស់ខ្លួន ដើម្បីបង្កើតទម្លាប់អានពីកុមារភាពទៅ។ ទន្ទឹមនឹងនេះដែរ កម្មវិធីអំណានឮៗ ក៏មានបំណងរៃអង្គាសថវិកាដើម្បីសាងសង់បណ្ណាល័យ នៅតំបន់ក្រីក្រ ដែលអង្គការទស្សនៈពិភពលោកមានវត្តមានធ្វើការផ្ទាល់នៅទីនោះ។

កម្មវិធីនេះ នឹងមានការចូលរួមពីវាគ្មិនចំនួន ៣រូប៖

១. លោក អ៊ុង ប៉េងអាន ស្ថាបនិកគេហទំព័រហ្វេសប៊ុក គិតជាមួយប៉េងអាន Think With Ping Ann

២. សេង ហ្គេកលី ស្ថាបនិកគេហទំព័រហ្វេសប៊ុក Seng Gechly-សេង ហ្គេកលី និងជាអ្នកនិពន្ធសៀវភៅ កូន សិស្សជីវិត

៣. ព្រះតេជគុណ គូ សុភាព

កម្មវិធី អំណានឮៗ ជាកម្មវិធីបើកសេរីឲ្យមានការចូលរួមពីសំណាក់ ឪពុកម្តាយជាមួយកុមារតូចៗ សិស្សានុសិស្ស និងយុវជនឲ្យបានកុះករ ដើម្បីមកស្តាប់ការចែករំលែកនានាពីវាគ្មិន និងការសំណេះសំណាលពីប្រធានបទការអាន។

ក្រៅពីការចែករំលែកពីសំណាក់វាគ្មិន និងការជជែកវែកញែកពាក់ព័ន្ធពីការអាននេះ កម្មវិធី អំណានឭៗ ក៏មានសកម្មភាពគូមុខឲ្យកុមារតូចៗ ដែលឧប្ថត្ភដោយ ODOM Garden។ សកម្មភាពគូរូបភាព ពីក្រុមសិល្បៈគំនូរ DROP KH ដោយមិនមានការបង់ប្រាក់ឡើយ។

យើងអំពាវនាវទៅដល់ សប្បុរសជនទាំងអស់ មិនថាជាស្ថាប័នឯកជន និងបុគ្គលឯកជននៅទូទាំងប្រទេសកម្ពុជា ចូលរួមបរិច្ចាគជាសៀវភៅ ឬជាថវិការ ចំនួន ៣ ដុល្លារ មកកាន់អង្គការទស្សៈពិភពលោក តាមរយៈគណនីលេខ ABA: 000 880 848។

ថវិការទាំងអស់នឹងត្រូវបានបរិច្ចាគទៅកាន់កុមារដែលរស់នៅតំបន់ដាច់ស្រយ៉ាល ឲ្យមានឳកាសមានសៀវភៅអានដូចកុមារដទៃទៀតដែរ។

ជួបគ្នាថ្ងៃទី ២៦ ខែមីនា នៅ ODOM Garden។

សម្រាប់ព័ត៌មានបន្ថែម សូមទាក់ទងមកកាន់ កញ្ញា ហៀម ចិត្រា ប្រធានគ្រប់គ្រងកម្មវិធី តាមលេខទូរស័ព្ទ +855 (0) 15 93 53 83។