[វីដេអូ] Ep.74 ប្រធានបទ៖ ផលវិបាកផ្សេងៗចំពោះអ្នកជំងឺក្រោយកើតជំងឺកូវីដ-១៩

នាពេលបច្ចុប្បន្ននេះ យើងឃើញថាបញ្ហាកូវីដ-១៩នៅតែជាបញ្ហាចម្បងសម្រាប់សុខភាពប្រចាំថ្ងៃរបស់ប្រជនទូទាំងពិភពលោក។ អ្នកជំងឺជាច្រើននៅលើពិភពលោកគឺទទួលរងនៅបញ្ហាសុខភាពទាំងក្នុងអំឡុងពេលនៃការមានកូវីដ-១៩ ឬក៏ក្រោយពេលមានកូវីដ-១៩ ។

មករា 23, 2023 04:41 437

[វីដេអូ] Ep.74 ប្រធានបទ៖ ផលវិបាកផ្សេងៗចំពោះអ្នកជំងឺក្រោយកើតជំងឺកូវីដ-១៩

ជាក់ស្ដែងបើទោះជាក្រោយពីការជាសះស្បើយនៃកូវីដ-១៩ ចំនួនអ្នកជំងឺប្រមាណជា ៣០-៤០% នៃអ្នកជំងឺឆ្លងកូវីដ-១៩រួចហើយនោះគឺតែងតែមាននៅសំណល់ឬរោគសញ្ញាក្រោយពីកូវីដ-១៩ មិនថាគាត់ស្ថិតនៅក្នុងកម្រិតស្រាល ឬកម្រិតធ្ងន់នោះទេ។

កត្តាប្រឈម

អ្នកជំងឺដែលមានសភាពធ្ងន់ធ្ងរនូវសំណល់កូវីដមិនត្រឹមតែមាននៅលើតែបញ្ហាផ្លូវដង្ហើមឬក៏សួតប៉ុណ្ណោះទេ ក៏អាចប៉ះពាល់ដល់សរីរាង្គផ្សេងៗផងដែរ។ ចំពោះបញ្ហាសួតអ្នកជំងឺឈានទៅដល់ការសង្រ្គោះបន្ទាន់ ឬឈានដល់ការប្រើប្រាស់ម៉ាស៊ីនអុកស៊ីសែនជាដើម។ ដំណាក់កាលនៃសំណល់កូវីដ១៩ ការតាមដានសុខភាពក្រោយអំពីកូវីដ-១៩ ជាទូទៅបែងចែកជា២ គឺទៅលើអ្នកជំងឺស្ថិតក្នុងដំណាក់កាលស្រាល និងដំណាក់ធ្ងន់ធ្ងរ៖

ដំណាក់កាលស្រាល៖ ជាទូទៅមិនមានជាផលលំបាកអ្វីធ្ងន់ធ្ងរនោះទេ គ្រាន់តែមានសញ្ញាខ្លះៗបន្សល់ទុកក្រោយកូវីដ-១៩ ។អ្នកជំងឺប្រភេទស្រាល អាចធ្វើការតាមដានសុខភាពដោយការថតសួត ឬតេស្តមើលឈាមមួយចំនួនទាក់ទងនឹងមុខងារ ថ្លើម ក្រលាន បញ្ហាបេះដូង។
ដំណាក់ធ្ងន់ធ្ងរ៖ ការតាមដានសុខភាពដោយផ្តោតទៅលើសួតរបស់អ្នកជំងឺ ក្នុងនោះធ្វើការថតសួតឬធ្វើតេស្តដង្ហើមសួត ដើម្បីដឹងអំពីផលលំបាកនិងសំណល់ដែលក្រោយពីការកើតកូវីដ-១៩ លើសពីនេះទៅទៀត បញ្ហានៃផ្លូវដង្ហើមឬសួត អ្នកជំងឺដែលមានសភាពសុខភាពធ្ងន់ គាត់នឹងប្រឈមបញ្ហាផ្សេងៗ ដូចជា បញ្ហាបេះដូង ថ្លើម ក្រពះពោះវៀន និងក្រលានជាដើម។

ទាក់ទងទៅលើបញ្ហាផ្លូវដង្ហើម គឺជាញឹកញាប់អ្នកជំងឺអាចមានសញ្ញាការក្អករុំារ៉ៃ ពិបាកក្នុងការដកដង្ហើម ថប់ៗទ្រូង ក្រៅពីនេះក៍មានសញ្ញាផ្សេងៗទៀតផងដែរ។