[វីដេអូ] #Ep.132 ប្រធានបទ៖ អត្ថប្រយោជន៍សុខភាព និងសម្រស់ ៦យ៉ាងរបស់ផ្កាកុលាប

1.  ជំនួយក្នុងការសម្រកទម្ងន់
ផ្កាកុលាបមានផ្ទុកសារធាតុដែលធ្វើឱ្យប្រសើរឡើងនូវការរំលាយអាហារបន្ថែមពីលើការសម្អាត ជាតិពុលពីរាងកាយដោយហេតុនេះជួយសម្រកទម្ងន់។ ក្រៅពីនេះការទទួលទានតែផ្កាកុលាបក៏អាចជួយសម្រួលអារម្មណ៍ កាត់បន្ថយការញ៉ាំច្រើន និងជួយសម្រកទម្ងន់តាមវិធីធម្មជាតិ។

2.  បំបាត់ភាពតានតឹង និងធ្លាក់ទឹកចិត្ត
ជាមួយនឹងភាពនឿយហត់ និងស្ត្រេសកើតឡើង ការគេងមិនលក់ និងការថប់បារម្ភដែលនាំឱ្យមានការឆាប់ខឹង និងឆាប់ឆេឆៅ។ ផ្កាកុលាបនិងខ្លឹនរបស់វាអាចកម្ចាត់រោគសញ្ញាទាំងនេះ បានផងដែរ។ ការងូតទឹកក្តៅឧណ្ណៗ ហើយប្រោះផ្កាកុលាបខ្លះក្នុងទឹកក្តៅ។ កំដៅបញ្ចេញក្លិននៃផ្កាកុលាប ធ្វើឱ្យបន្ទប់ទឹករបស់អ្នកមានក្លិនក្រអូប និងធ្វើឱ្យចិត្ត និងរាងកាយរបស់អ្នកសម្រាកធូរស្រាលជាងមុន។

3.  ជួយប្រឆាំងនឹងរោគសញ្ញានៃដុំពក
ផ្កាកុលាបដើរតួនាទីជាជំនួយធម្មជាតិក្នុងការព្យាបាលដុំពក។ នេះក៏ព្រោះតែពួកវាសម្បូរទៅដោយជាតិសរសៃ និងជាតិទឹក និងមានសមាសធាតុដែលជួយដល់ការរំលាយអាហារដោយបណ្តេញជាតិពុលចេញពីរាងកាយ។ ជាងនេះទៅទៀតផ្កាកុលាបមានប្រសិទ្ធភាពខ្ពស់ក្នុងការទប់ទល់ នឹងការហូរឈាមនិងដើរតួនាទីជាជំនួយ ភ្លាមៗដើម្បីបំបាត់ការឈឺចាប់ ។

4.  ជួយដល់សុខភាពស្បែក
ទឹកផ្កាកុលាបជួយព្យាបាលស្បែករលាកដែលងាយប្រតិកម្ម ធ្វើឱ្យមានតុល្យភាពស្បែកខ្លាញ់ ធ្វើឱ្យស្បែកទន់ និងធ្វើឱ្យស្បែកស។ រួមជាមួយនឹងជម្រើសដ៏ល្អជាថ្នាំបំបាត់ការឈឺចាប់ វាមានតួនាទីជាអ្នកសម្អាតជ្រៅ និងប៉ូវឺន័រ ដូច្នេះហើយធ្វើឱ្យអ្នកមើលទៅក្មេងជាងវ័យដោយធម្មជាតិ។ ដោយសារផ្កាកុលាបមានសារធាតុប្រឆាំងអុកស៊ីតកម្ម និងសមាសធាតុ ប្រឆាំងបាក់តេរីពួកវាធ្វើឱ្យស្បែកស្រស់ថ្លាផ្តល់ភាពធូរស្រាលពីការរលាកនិងរមាស់ខ្លាំង។

5.  ជួយព្យាបាលមុនដោយធម្មជាតិ
ប្រសិនបើអ្នកកំពុងមានបញ្ហាមុន និងកំពុងស្វែងរកជំនួយពីធម្មជាតិមួយចំនួនដើម្បីព្យាបាល ទឹកផ្កាកុលាបអាចជួយអ្នកបាន។ ក្រៅពីផ្តល់សំណើមល្អផ្កាកុលាបមានសារធាតុប្រឆាំង បាក់តេរីជួយទប់ស្កាត់ការឡើងមុន ។

6.  ធ្វើឱ្យពណ៌បបូរមាត់របស់អ្នកមានព័ណ៌ស្អាត
ផ្កាកុលាបមានឥទ្ធិពលធ្វើឲ្យបបូរមាត់របស់អ្នកស្អាត។ផ្កាកុលាបមិនត្រឹមតែផ្តល់ពណ៌ ផ្កាឈូកដល់បបូរមាត់របស់អ្នកប៉ុណ្ណោះទេ ប៉ុន្តែថែមទាំងធ្វើឱ្យបបូរមាត់ទន់ដូច ផ្តល់សំណើមដល់ស្បែក និងបង្កើនពណ៌ផងដែរ៕

សូមទស្សនាវីដេអូខាងក្រោម៖