[វីដេអូ] Ep. 78 ប្រធានបទ៖ ការគ្រប់គ្រងជាតិខ្លាញ់ក្នុងឈាមចំពោះមនុស្សពេញវ័យដែលមានជំងឺទឹកនោមផ្អែម

ចំពោះអ្នកដែលកើតជំងឺទឹកនោមផ្អែម គឺអាចកើតជំងឺនេះបានគ្រប់វ័យមិនថាក្មេង ចាស់ ប្រុស ស្រីនោះទេ។ ចំណែកការលើសជាតិខ្លាញ់វិញក៏កើតមានចំពោះមនុស្សគ្រប់វ័យ មិនថាគាត់ស្គម ឬធាត់។

មិនា 30, 2023 02:05 775

[វីដេអូ] Ep. 78 ប្រធានបទ៖ ការគ្រប់គ្រងជាតិខ្លាញ់ក្នុងឈាមចំពោះមនុស្សពេញវ័យដែលមានជំងឺទឹកនោមផ្អែម

ករណីលើសជាតិខ្លាញ់ក្នុងសរសៃឈាម លើសស្ករ លើសសម្ពាធឈាម គឹធ្វើឲ្យសុខភាពអ្នកជំងឺទឹកនោមផ្អែមមិនល្អនោះទេ ធ្វើឲ្យសរសៃឈាមងាយនឹងរឹង ងាយនឹងដាច់សរសៃឈាម និងរឹង។

កត្តាប្រឈម

ចំពោះអ្នកជំងឺទឹកនោមផ្អែម គាត់និងប្រឈមនឹងការលើសសម្ពាធឈាម ឡើងគីឡូ មានជំងឺទឹកនោមផ្អែមរុំារ៉ៃ និងមានការបាក់ទឹកចិត្ត។

គួរម្លឹកថា អ្នកជំងឺទឹកនោមផ្អែម ដែលដឹងថាខ្លួនកំពុងមានជំងឺហើយគួរគ្រប់គ្រង ជាតិខ្លាញ់ ជាតិស្ករ និងគ្រប់គ្រងសម្ពាធឈាម តាមរយ:ការតមបរិភោគអាហារ និងធ្វើលំហាត់ប្រាណជាប្រចាំ។

របបអាហារដែលអ្នកជំងឺទឹកនោមផ្អែមគួរជៀសវាង

អាហារដែលមិនល្អសំរាប់អ្នកជំងឺទឹកនោមផ្អែម មានដូចជា សាច់ដែលមានជាតិខ្លាញ់ គ្រឿងកំប៉ុងផ្អែមៗ ស៊ុតព័ណ៌លឿង ប័រ នំបុ័ង ស្រា បារី ឬកាហ្វេជាដើម។

ដូច្នេះដើម្បីឲ្យមានសុខភាពល្អអ្នកជំងឺទឹកនោមផ្អែមគួរតមអាហារដូចបានរៀបរាប់ខាងលើ ព្យាយាមហាត់ប្រាណជាប្រចាំ ធ្វើការណាត់ជួបជាមួយគ្រូពេទ្យដើម្បីតាមដាននិងពិនិត្យសុខភាពជាប្រចាំ៕