[វីដេអូ] Ep.84 ប្រធានបទ៖ មូលហេតុបង្កនៃជំងឺដាច់រហែករន្ធបាត

ជំងឺដាច់រហែករន្ធបាត គឺជាការដាច់រហែកសាច់ដុំនៅនឹងតំបន់ជុំវិញរន្ធបាត។ ចំពោះជំងឺដាច់រហែករន្ធបាត និងជំងឺឫសដូងបាតគឺខុសគ្នា គ្រាន់តែស្ថិតនៅតំបន់រន្ធបាតដូចគ្នាប៉ុណ្ណោះ។

មេសា 20, 2023 06:53 401

[វីដេអូ] Ep.84 ប្រធានបទ៖ មូលហេតុបង្កនៃជំងឺដាច់រហែករន្ធបាត

ទាក់ទងនឹងការដាច់រហែករន្ធបាត គឺការរហែកទៅលើសាច់ដុំនៅជុំវិញរន្ធបាតហើយមានអការៈឈឺខ្លាំង។ចំណែកឯជំងឺឫសដូងបាត គឺជាការហើមប៉ោងនៃសរសៃឈាម សូមកុំមានការយល់ច្រលំ។
ជំងឺដាច់រហែករន្ធបាតនេះគឺ ស្ដែងចេញនៅរោគសញ្ញាពីរធំៗ
- ការឈឺចាប់នៅតំបន់រន្ធបាត
- ការបន្ទោបង់មកមានធ្លាក់ឈាម
មូលហេតុដែលបណ្តាលអោយកើតមាននៅជំងឺដាច់រហែករន្ធបាតនេះ គឺទាក់ទងនឹងលាមករឹងខ្លាំង ការទល់លាមករុំារៃ រាគរុះរុំារៃ ជំងឺរលាកពោះវៀនធំមួយចំនួន និងជំងឺឆ្លងតាមការរួមភេទផងដែរ។
ការព្យាបាល ចំពោះអ្នកជំងឺគួរព្យាយាមកែប្រែរបបអាហារ ការបរិភោគបន្លែ ផ្លែឈើឲ្យបានច្រើន ញុំាទឹកឲ្យបានច្រើន ធ្វើលំហាត់ប្រាណ និង កុំខំប្រឹងបន្ទោរបង់ខ្លាំង និង យូរពេកក៏អាចបង្ការនូវជំងឺរហែករន្ធទ្វារបាត។ សូមជម្រាបថាជំងឺនេះអាចព្យាបាលឲ្យជាសះស្បើយ បើការព្យាបាលនោះបានត្រឹមត្រូវតាមបច្ចេកទេស និងជួបពិគ្រោះជាមួយគ្រូពេទ្យដែលមានឯកទេសជំនាញត្រឹមត្រូវ ដើម្បីទទួលបានការព្យាបាលមួយ ដែលមានប្រសិទ្ធិភាព៕

រោគសញ្ញានៃជំងឺមហារីករន្ធគូថ ដែលយើងគួរដឹងគ្រប់គ្នា! - Post News