[វីដេអូ] Ep. 85 បញ្ហាតម្រងនោមចំពោះអ្នកជំងឺទឹកនោមផ្អែម

តើអ្វីទៅជាតម្រងនោម? តម្រងនោមមានរាងដូចគ្រាប់សណ្តែកពីរដែលនៅចន្លោះឆ្អឹងខ្នងយើងទាំងសងខាងហើយស្ថិតនៅខាងក្រោមប្រអប់ឆ្អឹងទ្រូង។ តម្រងនោមជាសិរីរាង្គសម្រាប់ច្រោះជាតិពុះនិងកាកសំណល់នៅក្នុងឈាមបន្ទាប់មកបញ្ចេញចោលទៅតាមទឹកនោម ធានាលំនឹងជាតិទឹកនិងជាតិរ៉ែនៅក្នុងខ្លួន ផលិតអ័រម៉ូនដូចជា៖ Renin ជាអង់ហ្ស៊ីមបញ្ចេញដោយតំរងនោម, Erythropoietin ជាអ័រម៉ូនដែលគ្រប់គ្រងការផលិតកោសិកាឈាមក្រហម, និង Calcitriol មានតួនាទីគ្រប់គ្រងកម្រិតកាល់ស្យូម និងផូស្វ័រនៅក្នុងខ្លួន។

កក្កដា 14, 2023 11:18 171

 
Share
[វីដេអូ] Ep. 85 បញ្ហាតម្រងនោមចំពោះអ្នកជំងឺទឹកនោមផ្អែម

កត្តាដែលនាំឲ្យមានបញ្ហាខូចតម្រងនោម មានពីរប្រភេទគឺបញ្ហាខូចតម្រងនោមស្រួចស្រាលនិងរុំារ៉ៃ។

១. ការខូចតម្រងនោមស្រួចស្រាល៖ អ្នកជំងឺកង្វះជាតិទឹកធ្ងន់ធ្ងរ ការហូរឈាមច្រើនអាចបណ្តាលមកពីគ្រោះថ្នាក់ចរាចរណ៍ ការចុះសម្ពាធឈាមយូរពេក ឬការលេបថ្នាំមិនបានត្រឹមត្រូវតាមវិជ្ជៈបញ្ជាគ្រូពេទ្យជាដើម។

២. ការខូចតម្រងនោមរុំារ៉ៃ​បណ្តាលមកពី៖

  • ការលើសសម្ពាធឈាម
  • ជំងឺទឹកនោមផ្អែម
  • ការប្រើប្រាស់ថ្នាំបំបាត់ការឈឺចាប់យូរអង្វែង
  • ការប្រើប្រាស់ផលិតផលមិនច្បាស់លាស់ដែលមិនមានការទទួលស្គាល់ពីក្រសួងសុខាភិបាល​
  • ការមានគ្រួសនៅក្នុងតម្រងនោមយូរ
  • ជំងឺគីសនៅក្នុងតម្រងនោមដែលមានជាយូរមកហើយ

ជាតិស្ករដែលល្អសម្រាប់អ្នកជំងឺទឹកនោមផ្អែមមានពីរគឺជាតិស្ករមុនបាយ និងជាតិស្ករក្រោយបាយ។

១. ជាតិស្ករមុនបាយ៖ ចាប់ពីម៉ោង ១២យ​ប់ អ្នកជំងឺអាចក្រោកមកជួសចុងដៃ លទ្ធផលឃើញ ៨០ទៅ១៣០ ។

     ២. ស្ករក្រោយបាយ៖ បន្ទាប់ពីញុំាអាហារហើយ អ្នកជំងឺអាចជួសចុងដៃ លទ្ធផលឃើញពី១៤០ទៅ១៨០ ។

រោគសញ្ញា

  • ការស្លេកស្លាំង​​
  • ថប់ទ្រូង
  • ហើមជើង ឬក៏ហើមផ្នែកណាមួយនៅលើខ្លួន
  • ធំក្លិនមាត់
  • ចង់ក្អូត
  • លើសសម្ពាធឈាមធ្ងន់ធ្ងរ
  • ពុកឆ្អឹង

សូមជម្រាបថា ដើម្បីបង្ការកុំឲ្យកើតជំងឺខូចតម្រងនោមអ្នកគួរពិសារទឹកឲ្យបានគ្រប់គ្រាន់ ពិសារអាហារដែលល្អសម្រាប់សុខភាព ជាពិសេសបន្លែផ្លែឈើដែលមានវីតាមីនគ្រប់ប្រភេទ មិនជក់បារី កាត់បន្ថយការញុំាគ្រឿងស្រវឹង និងជៀសវាងការប្រើប្រាស់ថ្នាំមិនមានប្រភពត្រឹមត្រូវ៕

សូមទស្សនាវីដេអូខាងក្រោម៖

 

ពាក្យទាក់ទង: