[វីដេអូ] Ep.154 ប្រធានបទ៖ ជំងឺមហារីកគ្រាប់ឈាម

មហារីកគ្រាប់ឈាមគឺទាក់ទងទៅនឹងបញ្ហាគ្រាប់ឈាមសដែលមានការរីកលូតលាស់លឿនខុសប្រក្រតី។ មូលហេតុដែលបណ្តាលឲ្យមានជំងឺមហារីកគ្រាប់ឈាម គឺ 90% មិនអាចវិនិច្ឆ័យបាន ប៉ុន្តែ 10% បានសិក្សាឃើញថាប្រជាជនដែលរងផលប៉ះពាល់ជាមួយសារធាតុវិទ្យុសកម្មច្រើន ហើយមួយចំនួនទៀតទាក់ទងនឹងបញ្ហាថ្នាំសម្លាប់សត្វល្អិត និងថ្នាំពុលសារធាតុគីមីជាដើម។

កញ្ញា 25, 2023 02:56 735

[វីដេអូ] Ep.154 ប្រធានបទ៖ ជំងឺមហារីកគ្រាប់ឈាម

ជំងឺមហារីកគ្រាប់ឈាមចែកចេញជា ២ គឺ៖

Acute (មហារីកឈាមធូរស្រាល) កើតឡើងចំពោះកុមារ

Chronic (មហារីកឈាមរ៉ាំរ៉ៃ) កើតឡើងចំពោះវ័យជំទង់ និងចំណាស់

រោគសញ្ញារួមមាន៖

សម្រាប់ Chronic គ្មានរោគសញ្ញាឡើយគឺស្ងាត់ស្ងៀម ប៉ុន្តែយើងអាចដឹងនៅពេលដែលយើងត្រួតពិនិត្យ សុខភាព
សម្រាប់ Acute រោគសញ្ញាភ្លាមៗដូចជា ក្តៅខ្លួន ស្រកគីឡូ ទាក់ទងជាមួយនឹងហ្សេនដែលមានការបម្រែបម្រួលពីកំណើត ។

ចំពោះការធ្វើរោគវិនិច្ឆ័យទៅលើជំងឺមហារីកគ្រាប់ឈាម៖

ធ្វើការសួរនាំពីប្រវត្តិជំងឺ
ពិនិត្យដោយស្ទាបប៉ះអ្នកជំងឺដោយផ្ទាល់
បូមឈាម (ធម្មតាគ្រាប់ឈាមសចន្លោះពី ៤,០០០ទៅ១០,០០០ បើលើសទៅដល់ ១០០,០០០ មានការសង្ស័យថាមានជំងឺមហារីកគ្រាប់ឈាមហើយ)
ច្រិបខួរឆ្អឹង
ធ្វើតេស្តឈាមដោយមីក្រូទស្សន៍ ។

វិធីសាស្ត្រក្នុងការព្យាបាល ៖

ប្រភេទ Acute (80%-85%) អាចព្យាបាលជាតែប្រើរយៈពេលយូរ
ប្រភេទ Chronic ការព្យាបាលមិនអាចកំណត់បានថាបានភាគរយខ្ពស់ដូច Acute នោះទេ

របបអាហារដែលគួរបរិភោគមាន ៖

អាហារដែលមានសារធាតុអរកានិច
គ្មានសារធាតុគីមី
អាហារពុំមានសារធាតុពលច្រើន។

ជាចុងក្រោយ សូមពុកម៉ែបងប្អូនកុំយល់ច្រឡំ ថាឈាមសស៊ីឈាមក្រហមជាជំងឺមហារីក គឺមិនមែនទេជំងឺមហារីកគ្រាប់ឈាមអាចដឹងទៅបានលុះត្រាតែអ្នកជំងឺធ្វើការពិគ្រោះពិនិត្យសុខភាពជាមួយគ្រួពេទ្យជំនាញទើបអាចដឹងច្បាស់។ សូមកុំប្រើប្រាស់ផលិតផលដែលមិនមានប្រភពច្បាស់លាស់ជៀសវាងការចំណាយខុស ខាតពេលវេលា និងប៉ះពាល់ទៅដល់សុខភាព ៕

សូមទស្សនាវីដេអូ ៖