លោក ត្រាំ ប្រកាសពន្យារពេលវាយប្រហារអុីរ៉ង់ តាមសំណើរបស់សម្ព័ន្ធមិត្តនៅតំបន់ឈូងសមុទ្រ

ប្រធានាធិបតីសហរដ្ឋអាមេរិក លោក ដូណាល់ ត្រាំ បានប្រកាសនៅថ្ងៃអង្គារនេះថា លោកបានសម្រេចចិត្ត ពន្យារពេលវាយប្រហារប្រឆាំងនឹងប្រទេសអុីរ៉ង់។

ឧសភា 19, 2026 09:23 19

លោក ត្រាំ ប្រកាសពន្យារពេលវាយប្រហារអុីរ៉ង់ តាមសំណើរបស់សម្ព័ន្ធមិត្តនៅតំបន់ឈូងសមុទ្រ

ការសម្រេចចិត្តនេះត្រូវបានធ្វើឡើងបន្ទាប់ពីមានការស្នើសុំយ៉ាងទទូចពីបណ្តាប្រទេសសម្ព័ន្ធមិត្តក្នុងតំបន់ឈូងសមុទ្រ ដែលបារម្ភពីផលវិបាកដ៏ធ្ងន់ធ្ងរនៃសង្គ្រាមទ្រង់ទ្រាយធំ។
យោងតាមការរាយការណ៍ផ្ទាល់ពី Al Jazeera លោក ត្រាំ បានបញ្ជាក់ថា សម្ព័ន្ធមិត្តសំខាន់ៗរបស់អាមេរិក រួមមានអារ៉ាប៊ីសាអូឌីត និងអារ៉ាប់រួម (UAE) បានទាក់ទងមកលោកដោយផ្ទាល់ ដើម្បីសុំឱ្យផ្អាកសកម្មភាពយោធាជាបណ្តោះអាសន្ន។ សម្ព័ន្ធមិត្តទាំងនេះយល់ឃើញថា នៅតែមានឱកាសសម្រាប់កិច្ចខិតខំប្រឹងប្រែងដើម្បីបញ្ចុះបញ្ចូលឱ្យអ៊ីរ៉ង់ត្រឡប់មករកតុចរចា និងបញ្ឈប់កម្មវិធីអាវុធនុយក្លេអ៊ែររបស់ខ្លួន។
ទោះជាយ៉ាងណាក៏ដោយ លោក ត្រាំ នៅតែរក្សាជំហររឹងមាំដោយសង្កត់ធ្ងន់ថា ការពន្យារពេលនេះមិនមែនមានន័យថាជាការបោះបង់ចោលជម្រើសយោធានោះឡើយ។ លោកបានមានប្រសាសន៍ថា៖ "យើងបានត្រៀមខ្លួនរួចជាស្រេច ប៉ុន្តែយើងនឹងផ្តល់ឱកាសចុងក្រោយដល់ពួកគេតាមសំណើរបស់មិត្ត របស់យើង ប៉ុន្តែត្រូវចាំថា ពេលវេលាកំពុងរាប់ថយក្រោយយ៉ាងលឿនបំផុត"។ សេចក្តីថ្លែងការណ៍នេះ ត្រូវបានគេមើលឃើញថាជាយុទ្ធសាស្ត្រដាក់សម្ពាធកម្រិតខ្ពស់ ដើម្បីបង្ខំឱ្យអ៊ីរ៉ង់ធ្វើការសម្រេចចិត្តក្នុងពេលឆាប់ៗ៕