អាគារប៉មដ៏ខ្ពស់មួយនៅកូរ៉េខាងត្បូងឆាបឆេះទាំងកណ្តាលយប់បង្កការភ្ញាក់ផ្អើលដល់ពិភពលោក

យ៉ូលីន៖ អគ្គីភ័យដ៏ធំមួយបានឆាបឆេះអាគារប៉មកម្ពស់៣៣ជាន់ ស្ថិតនៅភាគខាងត្បូងទីក្រុងយ៉ូលីននៃប្រទេសកូរ៉េខាងត្បូង នៅយប់ថ្ងៃទី០៨ ខែតុលា ឆ្នាំ២០២០ ធ្វើឲ្យមានការភ្ញាក់ផ្អើលយ៉ាងខ្លាំងដល់បណ្តាញសង្គមអ៊ីនធើណេត និងពិភពលោក។

តុលា 8, 2020 07:38 738

អាគារប៉មដ៏ខ្ពស់មួយនៅកូរ៉េខាងត្បូងឆាបឆេះទាំងកណ្តាលយប់បង្កការភ្ញាក់ផ្អើលដល់ពិភពលោក

យោងតាមការចុះផ្សាយរបស់ទីភ្នាក់ងារសារព័ត៌មាន BBC បានឲ្យដឹងថាមនុស្សរាប់រយនាក់ត្រូវបានគេជម្លៀសចេញពីអាគារ ដែលហ៊ុមព័ន្ធដោយអណ្តាតភ្លើងដ៏ធំសន្ធោរសន្ធៅរួមមានទាំងលើដំបូងអគារ ចំណែកឯមនុស្សជាច្រើននាក់ទៀតរងគ្រោះដោយសារផ្សែង និងអណ្តាតភ្លើង។

អគ្គីភ័យដ៏ធំនេះត្រូវបានគេរាយការណ៍ថា បានកើតឡើងនៅប្រហែលម៉ោង១១យប់ នៅប្រទេសកូរ៉េខាងត្បូង ដែលបណ្តាលបង្កឲ្យមានខ្យល់ និងផ្សែងយ៉ាងខ្លាំងធ្វើឲ្យក្រុមជួយសង្រ្គោះពិបាកគ្រប់គ្រងអគ្គីភ័យ និងស្ថានការណ៍មួយនេះ។
អគ្គីភ័យនេះបានឆាបឆេះនៅចន្លោះអាគារជាន់ទី៨ និងទី១២ ដែលមានប្រមាណ១២០ គ្រួសាររស់នៅ និងមានហាងលក់ទំនិញជាច្រើនផងដែរ។

មិនតែប៉ុណ្ណោះ នាយកដ្ឋានពន្លត់អគ្គីភ័យបានឲ្យដឹងបន្ថែមទៀតថា មនុស្សដែលរងគ្រោះដោយសារឈ្លក់ផ្សែងភ្លើងជាង៥០នាក់ ត្រូវបានជួយសង្រ្គោះដោយប្រើឧបករណ៍ជំនួយផ្លូវដង្ហើម ហើយក្រុម ពន្លត់អគ្គីភ័យកំពុងស្វែងរកមនុស្សជាច្រើន ដែលអាចត្រូវបានជាប់នៅខាងក្នុងអាគារថែមទៀត៕