ក្មេងប្រុសម្នាក់ប្រទះឃើញហ្វូស៊ីលឆ្អឹងសត្វដាយណូស័រលើភ្នំមួយនៅប្រទេសកាណាដា

កាណាដា៖ ណាថាន់ ហូរូស្គីន (Nathan Hrushkin) គឺជាក្មេងប្រុសជនជាតិកាណាដាម្នាក់ អាយុ១២ ឆ្នាំ ដែលបានប្រទះឃើញហ្វូស៊ីលឆ្អឹងសត្វដាយណូស័រខណៈពេលគេកំពុងធ្វើដំណើរកំសាន្តឡើងភ្នំជាមួយឪពុករបស់គេនៅក្នុងខេត្តអាល់ប៊ឺតា (Alberta province) នៃប្រទេសកាណាដា។

តុលា 22, 2020 09:36 1079

 
Share
ក្មេងប្រុសម្នាក់ប្រទះឃើញហ្វូស៊ីលឆ្អឹងសត្វដាយណូស័រលើភ្នំមួយនៅប្រទេសកាណាដា

យោងតាមការចុះផ្សាយរបស់សារព័ត៌មាន BBC នៅសប្តាហ៍នេះបានឲ្យដឹងទៀតថា ដំបូងឡើយ
ក្មេងប្រុសវ័យ១២ឆ្នាំ ណាថាន់ ហូរូស្គីន និងឪពុករបស់គេមិនទាន់ប្រាកដថា វាជាឆ្អឹងអ្វីឲ្យប្រាកដនៅឡើយទេ គេដឹងត្រឹមថា គេបានរកឃើញអ្វីមួយដែលសំខាន់ ហើយពួកគេទាំង២ក៏បានផ្ញើរូបភាពនៃហ្វូស៊ីលនេះទៅសារមន្ទីរវិទ្យាសាស្ត្រស្រាវជ្រាវអំពីឆ្អឹងសត្វមួយរបស់ប្រទេសកាណាដា ដែលឈ្មោះថា សារមន្ទីររូយ៉ាល់ ធីរល (Royal Tyrrell Museum)។

បន្ទាប់មកខាងសារមន្ទីរក៏បានបញ្ជាក់ពីការសង្ស័យរបស់ពួកគេថា ណាថាន់ ហូរូស្គីន ពិតជាបានប្រទះឃើញឆ្អឹងសត្វដាយណូស័រពិតមែន ហើយហ្វូស៊ីលដែលក្មេងប្រុសនោះរកឃើញ គឺជាឆ្អឹងដៃរបស់សត្វដាយណូស័រមួយប្រភេទ ដែលមានអាយុកាលប្រមាណ៦៩លានឆ្នាំមុន៕

សូមទស្សនាវីដេអូ៖

ប្រភព៖ BBC, ប្រែសម្រួល៖ សុខ ច័ន្ទភារិទ្ធ

 

ពាក្យទាក់ទង: