កំពូលសាកលវិទ្យាល័យទាំង១០ ដែលល្អជាងគេបំផុតនៅលើពិភពលោកក្នុងឆ្នាំ២០២០

១០- សាកលវិទ្យាល័យ ឈីកាហ្គោ (University of Chicago)
          ថ្វីត្បិតតែធ្លាក់ចុះមួយចំណាត់ថ្នាក់ពីឆ្នាំ២០១៩ក៏ពិតមែន ប៉ុន្តែសាកលវិទ្យាល័យនេះនៅតែមានឈ្មោះក្នុងបញ្ជីចំណាត់ថ្នាក់ទី១០ដដែល។

៩- មហាវិទ្យាល័យ អីមភៀរៀល ទីក្រុងឡុងដ៏ (Imperial College London)
          ជាមហាវិទ្យាល័យដ៏អស្ចារ្យមួយនៅក្នុងទីក្រុងឡុងដ៏ ដែលផ្តោតសំខាន់លើផ្នែក វិទ្យាសាស្ត្រ វិស្វកម្ម វេជ្ជសាស្ត្រ និងអាជីវកម្ម។

៨- សាកលវិទ្យាល័យទីក្រុងឡុងដ៏ (University College London)
          កើនឡើង២ចំណាត់ថ្នាក់នៅឆ្នាំនេះ ដោយបច្ចុប្បន្នក្លាយជាវិទ្យាស្ថានអប់រំក្នុងទីក្រុងឡុងដ៏ ដែលបានពិន្ទុខ្ពស់បំផុតសម្រាប់កេរ្ត៏ឈ្មោះសាស្ត្រាចារ្យ។

៧- សាកលវិទ្យាល័យខេមប្រ៊ីដជ៏ (University of Cambridge)
          ជាសាកលវិទ្យាល័យស្រាវជ្រាវដ៏ធំមួយនៅក្នុងទីក្រុងខេមប្រ៊ីដជ៏នៃចក្រភពអង់គ្លេស។

៦- វិទ្យាស្ថានបច្ចេកវិទ្យាសហព័ន្ធស្វីស ETH Zurich (Swiss Federal Institute of Technology)
          វិទ្យាស្ថាននៃប្រទេសស្វីសមួយ ដែលកំពុងបន្តឈរនៅចំណាត់ខ្ពស់ក្នុងទ្វីបអឺរ៉ុបជាមួយនឹងពិន្ទុល្អបំផុតរបស់ខ្លួន។

៥- វិទ្យាស្ថានបច្ចេកវិទ្យាកាលីហ្វ័រញ៉ា (California Institute of Technology) (Caltech)
          ជាវិទ្យាស្ថានស្រាវជ្រាវខាងផ្នែកបច្ចេកវិទ្យាប្រចាំនៅទីក្រុងផាសាដេណា (Pasadena) នៃរដ្ឋកាលីហ្វ័រញ៉ា សហរដ្ឋអាមេរិក។

៤- សាកលវិទ្យាល័យ Oxford
          ជាសាកលវិទ្យាល័យដែលមានវ័យចំណាស់ជាងគេលើពិភពលោកបន្ទាប់ពីសាកលវិទ្យាល័យ Bologna ហើយនៅតែបន្តចំណាត់ថ្នាក់ខ្ពស់ជាងគេបំផុតនៃចក្រភពអង់គ្លេស។

៣- សាកលវិទ្យាល័យ Harvard
          មានទីតាំងស្ថិតក្នុងទីក្រុងខេមប្រីដជ៏ រដ្ឋម៉ាសាឈូសេត នៃសហរដ្ឋអាមេរិក សាកលវិទ្យាល័យ នេះល្បីសុះសាយជុំវិញពិភពលោក។

២- សាកលវិទ្យាល័យ ស្តេនហ្វដ (Stanford University)
          ស្ថិតនៅក្បែរតំបន់ភាគខាងត្បូងនៃទីក្រុង San Francisco នៃរដ្ឋកាលីហ្វ័រញ៉ា សហរដ្ឋអាមេរិក រកបានពិន្ទុខ្ពស់ ដែលមានសាស្ត្រាចារ្យកំពូលជាច្រើនរូប។

១- វិទ្យាស្ថានបច្ចេកវិទ្យាម៉ាសាឈូសេត (Massachusetts Institute of Technology)
គឺជាវិទ្យាស្ថានប្រចាំរដ្ឋម៉ាសាឈូសេតនៃសហរដ្ឋអាមេរិក ដែលទទួលបានចំណាត់ថ្នាក់លេខ១ ឈរនៅលំដាប់កំពូលនៅពេលបច្ចុប្បន្ន៕

ប្រភព៖ QS Top Universities, ប្រែសម្រួល៖ សុខ ច័ន្ទភារិទ្ធ