បេក្ខភាពប្រធានាធិបតីអាមេរិក លោក ចូ បៃដិន និយាយដោយជឿជាក់ថា លោកនឹងឈ្នះ

វ៉ាស៊ីនតោន៖ លោក ចូ បៃដិន បេក្ខភាពប្រធានាធិបតីសហរដ្ឋអាមេរិកនៃគណបក្សប្រជាធិបតេយ្យ បាននិយាយថា លោកគ្មានការសង្ស័យអ្វីទេ ព្រោះលោកជឿជាក់ថា នឹងអាចយកឈ្នះលោក ដូណាល់ ត្រាំ ក្នុងការប្រកួតប្រជែងតំណែងប្រធានាធិបតីសហរដ្ឋអាមេរិកនៅអាណត្តិថ្មីនេះ។

វិថ្ឆិកា 6, 2020 06:56 650

បេក្ខភាពប្រធានាធិបតីអាមេរិក លោក ចូ បៃដិន និយាយដោយជឿជាក់ថា លោកនឹងឈ្នះ

ក្នុងសេចក្តីថ្លែងការណ៍នេះ លោកក៏បានអំពាវនាវឲ្យអ្នកគាំទ្ររបស់លោកមានភាពអត់ធ្មត់ក្នុងអំឡុងពេលគេកំពុងរាប់ឆ្នោត។ បៃដិន បន្ថែមសម្តៅដល់អ្នកគាំទ្រ ជាពិសេសជំនួយការរបស់លោក គឺលោក ស្រី កាម៉ាឡា ហារីស (Kamala Harris) ថា "ខ្ញុំ និងអ្នកស្រី កាម៉ាឡា ហារីស នឹងទទួលជ័យជំនះ បន្ទាប់ពីការរាប់សន្លឹកឆ្នោតរួចរាល់ ដូច្នេះហើយ អ្នកគាំទ្រទាំងអស់ត្រូវតែអត់ធ្មត់។

គួររម្លឹកផងដែរថា ខណៈលោក ចូ បៃដិន បាននិយាយដូច្នេះ គូប្រជែងរបស់លោក គឺ ដូណាល់ ត្រាំ ក៏បាននិយាយផងដែរថា លោកនឹងឈ្នះយ៉ាងងាយស្រួល បើ ចូ បៃដិន មិនក្លែងបន្លំសន្លឹកឆ្នោត៕

មកទល់ពេលនេះ ស្ថិតិបណ្តោះអាសន្ន ដែលទាន់ចេញលទ្ធផលជាផ្លូវការបានបង្ហាញឲ្យឃើញថា ចូ បៃដិន កំពុងនាំមុខ ដូណាល់ ត្រាំ ស្របពេល ដែលពួកគេបានឈ្នះសម្លេងឆ្នោតពីរដ្ឋធំៗជាច្រើនរៀងៗខ្លួនហើយបច្ចុប្បន្នកំពុងរង់ចាំលទ្ធផលនៃសន្លឹកឆ្នោតក្នុងរដ្ឋមួយចំនួនទៀតប៉ុណ្ណោះ។